Bash bet>>saghlamliq
Kechte besh xil yémekliktin yiraq turung
Tehrir:Gülbehrem muxtar     Menbesi:Junggo uyghurche radiyo tori     Yollan'ghan waqit: 2014-06-16

 

 

kechte zenjiwil yéyish mergimush (senkiya) yégenge barawer
adette ‹‹seherde yégen zenjiwil hesel, kechte yégen zenjiwil zeher›› deydighan gep bar, bu zenjiwil istémal qilishning waqitchanliqi barliqini, seherde yégen zenjiwilning paydiliq, kechte yégen zenjiwilning ziyanliq bolidighanliqini körsitidu. Zenjiwilde uchuchan may, gingirol(zenjiwil achchiq maddisi), derex yélimi we kiraxmal qatarliq terkibler bolup, qan aylinishni tézlitip, ashqazan suyuqluqining ajrilip chiqishini kücheytidu, ashqazan üchey herikitini janlandurup hezimni ilgiri süridu, baktériyege qarshi turidu. Zenjiwilning tebiiti issiq bolghachqa asanla ademning issiqini ashuruwétidu, shunga kechte yéyishke anche muwapiq kelmeydu.
mayliq yémeklikler
mayliq yémeklikler mayda pishurulghan yémeklikler bilen bir qisim xoléstérin terkibi nisbeten yuqiri bolghan haywanat ichki ezalirini öz ichige alidu. Bu yémeklikler üchey, ashqazan, jiger, öt we uyquluq(ashqazan asti bézi) ning yükini artiwétidu, merkiziy nérwini ghidiqlap, uyquning süpitige tesir yetküzidu.
yellik yémeklikler
adette purchaq, chong yéssiwélek, piyaz, kömmiqonaq we banan qatarliq yémeklikler hezim qilinish jeryanida köp miqdarda gaz hasil qilip, qorsaqni köptürüwétidu, shuning bilen ashqazan – üchey biaram bolup, uyqining süpitige tesir yétidu.
yuqiri kaltsiyliq yémeklikler
qurutulghan ushshaq rak, béliq qatarliq yuqiri kaltsiyliq yémeklikler kechte yéyilse, terkibidiki kaltsiy maddisi parchilanghandin kéyin börek we süydük yolida toplinip qélip, tash chüshüshni peyda qilidu.
tatliq yémeklikler
kishiler kechlik tamaqtin kéyin tatliq yémekliklerni yéyishni yaxshi köridu, emma tatliq yémekliklerning hezim qilinishi tesrek bolghachqa, asanla ashqazan we ücheylerge yük bolup qalidu. Aram éliwatqan halette tatliq yémekliklerdiki qentler asanliqche parchilanmaydighan bolghachqa, biwasite maygha aylinip ademni semritiwétidu.

 


Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene