Bash bet>>saghlamliq
Ayallardiki sekkiz xil saghlam bolmighan beden bésharetliri
Tehrir:Gülbehrem muxtar     Menbesi:Junggo uyghurche radiyo tori     Yollan'ghan waqit: 2014-06-16

 

 

bel aghrish:
bu belkim dowsaq yallughi yaki qoshumche eza yallughi bolushi mumkin. Shunga doxturxanigha bérip qan we süydükni tekshürtüsh, zörür bolghanda dowsaq eynikide tekshürtüsh lazim. Bu mezgilde suni köprek ichish, achchiq, terkibide xushpuraq madda bolghan yémekliklerni yémeslik lazim. Kawa yighi yaki sandal yaghichi yighida yuyunup bersimu ünümi yaxshi bolidu.
asan achchiqlinish:
ushshaq – chüshshek ishlarghimu yighlisingiz, eger bu ehwal xaraktéringiz bilen mas kelmise, undaqta qalqansiman bezni tekshürtüp béqing, merkizi nérwa sistémisi qalqansiman bez hurmunining buzulushigha eng sezgür bolidu. Uning deslepki alamiti asan hayajanlinish, térikkek bolush, asan yighlash, uyqusizliq, ishtihasi yaxshi bolsimu biraq kündin – künge jüdeydu, ayallarda yene heyz qalaymiqanlishish ehwalliri körülidu.
etigende ornidin turghanda közi ishship qélish:
bu uzaq muddet charchighanliqning alamiti bolushi mumkin. Eger daim suluq ishshiq peyda bolsa, börekni tekshürtüp béqish kérek.
kechte put ishship qélish:
bu sozulma xaraktérlik wéna (kök qan tomur) zeipleshkenlikining alamitidur. Bundaq kishiler xam köktatlarni köprek yéyishi kérek, chünki ularning terkibide artériye diwarini mustehkemleydighan tala maddiliri mol.
daim qol – putlirining péyi tartiship qélish:
bu kaltsiy bilen witamin D kemlikning alamiti bolushi mumkin, bundaq kishiler süt mehsulatliri, jiger, yéngi déngiz mehsulatlirini köprek yéyishi lazim.
köp terlesh:
bu qan tomur wégétatip nérwilirining téyiship ketkenlikining alamiti bolushi mumkin, eger adettiki tinchlandurush okuli menpeet qilmisa, doxturgha körünüsh lazim.
beden éghirliqi özgirish, daim ussash:
bu alametler diabét (qent siyish) késilining alamitige azraq oxshaydu, zörür bolghanda qan shékirini tekshürtüp béqish kérek. Eger tekshürüsh netijisi yenila normal bolsa, tatliq we mayliq yémekliklerni yémeslik lazim.
köp miqdarda chach chüshüsh:
ayallar erlerge qarighanda tarqaq chach chüshüsh késilige asan giriptar bolidu (chach bash qismidin bashlap chüshidu). Köp miqdarda chach chüshüshning sewebi rohiy bésim, saqaymighan jarahet yaki toghra bolmighan yémek – ichmek aditi qatarliqlar bolushi mumkin, yene bezi késellik yaki tughma késelliklermu chach chüshüshni keltürüp chiqirishi mumkin.

 


Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene