Bash bet>>saghlamliq
Ademning qérish sewebi toghrisidiki yéngi köz qarash
Tehrir:Zöhre muxter     Menbesi:Junggo uyghurche radiyo tori     Yollan'ghan waqit: 2014-07-17

yéterlik su ichmeslik

kanadaning meshhur tébbiy doktori a. Xuwa otturigha qoyghan "suni yéterlik miqdarda istémal qilmasliq méngning qérishini keltürüp chiqiridu" dégen telimati tébbiy sahedikilerning diqqitini qozghidi. Uning köz qarishi shuki, ademning purash we tétish sézimi yashning chongiyishigha egiship tedrijiy ajizlishidu, ussash sézimidimu özgiresh peyda bolidu. Lékin kishiler hemishe ussash sézimining özgirishige sel qaraydu. Yashanghanlar adette ussimghachqa, suni nahayiti az ichip, bedende su toluqlinishning yéterlik bolmasliqini keltürüp chiqiridu. Tetqiqatchilarning qarishiche, yéterlik miqdarda su ichmise, chong ménge eng awwal tesirge uchraydiken, waqti uzarsa, méngning qérishi kélip chiqidiken.

witamin B12 yétishmeslik

yéqinda yaponiye sherqiy shimal uniwérsitéti tébbiy inistitutidiki proféssor sung zéyining qérishtin bolidighan déwenglik késilige giriptar bolghan 86 neper bimar üstide élip barghan tetqiqatidin bayqilishiche, bu bimarlarning bedinide witamin B12 kem bolup, witamin B12  Toluqlap bérilgendin kéyin 80% bimarning késel ehwali yaxshilinip, ménge yiglesh yénikligen. Analiz qilinishiche, witamin B12 bedendiki aqsil we yadro kislatasining birikish jeryanigha qatnishidiken. Eger witamin B12 yétishmise, nérwa toqulma hüjeyrisidiki dopaminning hasil bolushi aziyip, qérishtin bolidighan diwenglik késilini peyda qilidiken.
yipsiman tenchining tuyuqsiz özgirishi   Yaponiye we awistirliye alimlirining bayqilishiche, adem bedini hüjeyrisidiki yipsiman tenche géni keptüklüki oksigén arqiliq énérgiye hasil qilish iqtidarini töwenlitip, qérishni peyda qilidiken. Yipsiman tenche méngini öz ichige alghan köp sandiki ezalar énérgiyige érishidighan muhim menbe. Eger yipsiman tenche fonksiyisi nacharlashsa, bedenning qérishini keltürüp chiqiridu.

échighan, buzulghan yémekliklerni istémal qilish

tébbiy sinaqlardin ispatlinishiche, yagh qongur pigménti nérwa we yilik hüjeyrisige chökse hüjeyrining bölünüshige tesir yetküzidiken hem DNA ning tuyuqsiz özgirishini peyda qilip, aqsil. Férmént qatarliqlarning xususiyitini özgertip, hüjeyrining qérishini tézlitidiken. Yagh qongur pégméntini tüzgüchi asasiy madda ziyade oksidlanghan toyunmighan yagh kislatasi bolup, asasen yaghlar we terkibide yagh bolghan yémekliklerdin kélidu. Terkibide yagh köp bolghan yémeklikler hawa tesiride asanla échip, ziyade oksidlanghan maddilirini hasil qilidu, eger kishiler bu échighan yémekliklerni uzun muddet istémal qilsa, ziyade oksidlanghan maddilar bedende yighilip qérishini tézlitidu.

nashta qilmasliq

bezi kishiler etigende nashta qilmaydu. Bundaq qilish ashqazan-ücheyge ziyan sélipla qalmastin, yene qérishni tézlitidu. Chünki tébbiy nuqtiinezerdin qarighanda nashta qilmasliq térini qurghaqlashturup, asan qoruq chüshüshni keltürüp chiqiridu.

daim bek tuyunup tamaq yéyish

yéqinda yaponiyining kyosyo oniwérsitétining tébbiy alimi dasünyuning bayqishiche, daim bek tuyunup ghizalansa, bolupmu kechlik ghizani bek toyunup yése, qobul qilinghan omumiy issiqliq miqdari organizm éhtiyajidin éship kétip, bedendiki yaghlarning miqdari köpiyip, qandiki yaghsiman terkibler yuqirilap, ménge artériyisi botqisiman qétishishni keltürüp chiqiridiken. Shuning bilen bir chaghda toyghudek ghizalinish yene "tala bixlima hüjeyre östürgüchi faktori" déyilidighan bir xil maddining chong méngidiki miqdarini hessilep ashuruwétidiken. Bu artériye qétishishni ilgiri süridighan bir xil madda hésablinidu. Uningdin sirt, bek toyghudek ghizalinish ashqazan-üchey yollirida aylinidighan qanning miqdarini ashuridu, chong ménge teminleydighan qan nispiy halda yétishmeydu. Netijide ménge hüjeyrilirining madda almashturushigha tesir yétidu.
 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene