Bash bet>>saghlamliq
Yashanghanlar ushshaq–chüshshek yémeklikni yep bergini yaxshi
Tehrir:Pezilet arslan     Menbesi:Tengritagh ughyruche tori     Yollan'ghan waqit: 2014-07-25
 

  

 Yashanghanlar ushshaq – chüshshek yémeklikni yep berse, ömürni uzartish, késelni qoghlap tenni saghlamlashturushqa paydiliq. Emma yashanghanlar ushshaq – chüshshek yémeklikni öz éhtiyajigha asasen tallap yéyishi kérek. Alayluq, mikro élémént kiréminining yétersiz yaki az bolushi tajisiman yürek késili, közge aq chüshüsh shundaqla bezi ösme peyda bolushtiki asasiy seweblerning biri. Adette yer yangiqi, yangaq, palma yopurmiqi, kashtan qatarliq sélénliq yémekliklerni yep bergende, téz qirishning aldini alghili bolidu. 

 Este saqlash iqtidarining chékinip kétishi yashanghanlardiki omumyüzlük hadise, shuning üchün, yashanghanlar yangaqtin bashqa, qarighay uruqi, örük méghizi, orman yangiqi, yer yangiqi qatarliqlarnimu yep bérishi kérek. Bu qattiq postluq méwilerning terkibide toyunmighan yagh kislatasi bolup, yürekke paydiliq; Kashtan börekni quwwetleydu, shundaqla qish peslidiki eng yaxshi tallash hésablinidu. Yashanghan ayallar herküni ikki tal qurutulghan chilan yep berse, qan toluqlap, talni saghlamlashturidu. Qétiqmu eng yaxshi tallash hésablinidu. Qent késilige giriptar bolghan yashanghanlar imkaniyetning bariche péchine, qent – gézek türidiki yémekliklerni yémesliki kérek. Artériye qétish bolup qalghanlar terkibide witamin C, E mol bolghan we oksidlinishqa qarshi réaktip ushshaq – chüshshek yémeklikni yése bolidu. Ashqazan iqtidari nachar yashanghanlar méwidin méwe uyutmisi yasap, uninggha azraq hesel qoshup yése ünümi yaxshi bolidu. Bezi köktatlarni ushshaq – chüshshek yémeklik ornida istémal qilishqa bolidu, mesilen, pichekgül, tatliq berengge, kawa qatarliqlar.

 Chüshtin burun saet 10, chüshtin kéyin saet 3 etrapidiki waqit ushshaq – chüshshek yémeklik yéyishning eng obdan peyti. Bu chaghda etigenlik, chüshlük tamaq alliburun hezim bolunghan bolup, kéyinki normal ozuqlinishgha tesir körsetmeydu. Diqqet qilishqa tégishliki, ushshaq – chüshshek yémeklikni ziyade köp yémestin, qoshumche yémeklik ornida istémal qilish kérek.

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene