Bash bet>>saghlamliq
Ayallar su üzüshte diqqet qilidighan töt nuqta
Tehrir:Gülbehrem muxtar     Menbesi:Junggo uyghurche radiyo tori     Yollan'ghan waqit: 2014-08-21

 

 

ayallar su üzgende, choqum shexsi taziliqqa diqqet qilishi lazim, nawada shexsi taziliqqa diqqet qilmisa, su üzüsh kölidiki baktériyeler nahayiti asanla bedenge kirip kétidu - de, ayallar késellirini keltürüp chiqiridu.

1. Su üzüsh kölining qirghiqida olturup aram élishqa bolmaydu.

ayallar su üzüsh jeryanida aram almaqchi bolsa, su üzüsh kiyimi bilenla su üzüsh kölining qirghiqidiki yerde yaki orunduqta xalighanche olturup aram alidu, bundaq bolghanda asanla ayallar késellirini keltürüp chiqiridu, chünki kölchek qirghiqidiki yerde kishiler daim yalangayagh halette uyaqtin buyaqqa méngip turidighan bolghachqa, puttiki zemburughlar yerge chapliship qalidu, shunga yerde yaki orunduqta olturup aram alghanda, asanla zemburughluq jinsi yol yallughini keltürüp chiqiridu.

2. Ammiwi orunduqta biwasite olturushqa bolmaydu.

ammiwi su üzüsh kölchekliridiki kiyim almashturush öyige quyulghan esliheler bir qeder addiy bolup, uningdiki orunduq, teret qachisi, kiyim saqlash ishkapi qatarliqlarning hemmisi opche ishlitilidu, su üzüsh kölchikini bashqurghuchilar gerche qerellik halda tazilap tursimu, ularda baktériye qalduqi yoq déyishke bolmaydu, shuning üchün kiyim almashturghan chaghda olturushqa toghra kelse, choqum orunduqqa pakiz löngge sélip andin olturush lazim.

3. Heyz mezgilining aldi we keynidiki töt kün ichide su üzüshke bolmaydu.

heyz mezgili we uning aldi - keynidiki töt künde ayallar bedinining qarshiliq küchi töwenligechke, baktériyening hujumigha nahayiti asanla uchraydu. Shundaqla, su üzüsh kölchikidiki suning témpiraturisi ademning beden témpiratursidin töwen bolghachqa, soghuq su qan tomurlarning tariyishini keltürüp chiqiridu, bundaq tarayghan qan tomurlardin heyzning éqip chiqishi rawan bolmaydu hem heyz miqdarimu az bolidu, buning bilen asanla ayallar késellirini keltürüp chiqiridu.

4. Ayallar ayallar késellikige giriptar bolghanda, bolupmu késelni dawalitiwatqan mezgilide su üzüshke qetiy bolmaydu. Undaq bolmighanda, sudiki baktériyelerning yuqumlandurishigha asanla uchrap, késelni éghirlashturuwétidu.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene