Bash bet>>saghlamliq
Yémeklik talaliri we saghlamliq
Tehrir:Zöhre muxter     Menbesi:Junggo uyghurche radiyo tori     Yollan'ghan waqit: 2014-08-28

yémeklik talalirining türi bir qeder köp bolghachqa, uning ünümi jehettiki perqimu chong bolidu. Eger uni toghra istémal qilmighanda, ünümi bolmayla qalmastin, salametlikke ziyan yetküzidu. Adette tala maddisi déginimiz yérim tala maddisi, lignin, töwen qentlik maddilar, méwe yélimi, derex yélimi qatarliqlar bolup, bolarning roli tüptin oxshash bolmaydu.

yosun türidiki talalar bundaq talalarning terkibide su köp bolup, uni istémal qilip bergende, ücheydiki yémekliklerning parchilinishini tézlitip, chong teretni rawanlashturidu. Lamnariye (xeydey), qizil déngiz yosuni, gilidium yosuni qatarliqlarning terkibide yosun talasi eng mol. Künlüki yosun türidiki taladin 25 – 30 giramni suda pishurup yése, ünümi yaxshi bolidu.

danliq ziraetler talasi bundaq talalar gilukozini shümürüpla qalmastin, üchey suyuqluqi terkibidiki gilukoza suyuqluqini ünümlük töwenlitidu, shundaqla férminitning érish waqtini uzartip, tamaqtin kéyinki qan qentining örlishini kontrol qilidu, sulu, bughday, qonaq, arpining terkibide danliq ziraetler talasi mol, bolupmu sulu terkibide téximu shundaq. Künlüki 50 giram etrapida danliq ziraet talasini showigürüch qilip ichip bergende, ünümi yaxshi bolidu.

yiltiz gholi türidiki talalar bundaq talalarning su sümürüshchanliqi yuqiri bolghachqa, ücheydiki rak peyda qilghuchi maddilarning qoyuqluqini töwenlitip, boghmaq üchey raki peyda bolush nisbitini 40% azaytidu. Yiltiz türidiki talalar asasliqi tatliq berengge, pichekgülning terkibide mol bolidu, künlüki 50 giram pishurup nashtida yése, arqidin bir istakan qaynaqsu ichip berse, ünümi yaxshi bolidu.

méwe yélimi talasi bundaq tala bedendiki xoléstérinning parchilinishini ilgiri süridu, öt kislatasining beden sirtigha chiqirilishini ilgiri sürüp, qandiki may terkibini téz töwenlitidu, bundaq tala méwilerning postida köp bolidu. Alma, böljürgen, dolana, limon derixi qatarliqlardimu köp bolidu. Suda asan ériydu, künde 400 giram méwini posti bilen yégende ünümi yaxshi bolidu.

köktat talasi bundaq talalarning terkibidiki suda ériydighan we suda érimeydighan yémeklik talalirining nisbiti tengshelgen bolup, madda almishishni ilgiri sürüp, ushshaq faktorluq ösümlük inzimlarni shekillendürüp, qan tomurlarni yumshitish, ilastikiliqini ashurush rolini oynaydu. Terkibide köktat talasi köp yémekliklerdin: bambuk notisi, yéngi purchaqlar, kerepshe, qapaq hörriki qatarliqlar bar. Buning ichide bambuk notisi talasining shipaliq roli eng yaxshi. Künlüki 40 – 60 giram bambuk notisini pishurup yése ünümi yaxshi bolidu. Yéyishtin burun choqum qaynaqsugha chilap terkibidiki oksidlik kislatasini chiqiriwétish kérek.

lignin talasi bundaq tala istémal qilinidighan talalar ichidiki chong türlerning biri. Bundaq talaning miqdari kök turup, sewze, purchaq qatarliqlarda köp bolidu. Ularni chaynap asan éritkili bolmaydu, chaynighansiri tiripi bardek sézim bolidu. Shundaqtimu ularning éghizni tazilash roli chong, bolupmu tamaqtin kéyin bundaq yémekliklerni chaynap bergende, éghizdiki baktériyilerni yoqitidu, chish miliki késelliki, chish boshishishning aldini alidu. Chish késili barlar bu xil yémekliklerni künlüki 15 minut chaynap, chish mélikini uwulap andin su bilen éghizni ghar – ghar qilip bergende, ünümi yuqiri bolidu.

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene