Bash bet>>saghlamliq
Késeldin xaliy bolushtiki on usul
Tehrir:Zöhre muxter     Menbesi:Junggo uyghurche radiyo tori     Yollan'ghan waqit: 2014-08-28

amérika tébbiy alimlirining körsitishiche, töwendiki on nuqtigha diqqet qilghanda, adem immunitét küchini ashurup, késeldin xaliy bolalaydiken:

éghiz boshluqi taziliqigha ehmiyet bérish. Éghiz boshluqi taziliqi yaxshi bolmisa, chish etrapi yelliki peyda bolup, qent késili yaki yürek késilini keltürüp chiqiridiken. Shunga éghiz boshluqi taziliqigha ehmiyet bérish salametlikke kapaletlik qilishning birinchi qedimi hésablinidu.

qol pakiz bolush. Zukam tarqiliwatqan pesillerde her küni qolni sopun bilen yuyup turush lazim iken, qolni yuyup bergende bashqa yuqumluq késellerning aldini alghili bolidiken.

qizil almini köprek istémal qilish. Qizil alma, qatkök, yéshil chay terkibide kiwértstrin deydighan bir xil tebiiy oksidlinishqa qarshi madda bolup, u kishilerni bésim astida immunitét küchini ashurush imkaniyitige ige qilalaydiken. Tetqiqattin melum bolushiche, uda besh yil qizil alma arqiliq kiwértstrinni qobul qilghan kishilerning nepes yoli késilige giriptar bolush xewpi 40% töwen bolidiken.

ijtimaiy alaqe keng bolush. Ijtimaiy alaqisi keng kishilerning yürek késilige giriptar bolush nisbiti az, ömrimu uzun bolidiken.

her küni heriket qilip bérish. Chéniqqanda qan aylinishni yaxshilighili, qarshiliq küchini ashurghili bolidiken, késel baktériyesi bedenge kirgen teqdirdimu beden ularni teltöküs yoqitalaydiken.

yéterlik uxlash. Uyqu yaxshi bolsa, madda almashturush yaxshilinip, ademning immunitét küchi téz eslige kélidiken.

ümidwar bolush. Tetqiqattin melum bolushiche, xushal – xuram, qizghin, salmaq, éghir bésiq kishilerning tarqilishchan késellerge giriptar bolush nisbiti az bolidiken.

witamin. Witamin D béliq göshi, tuxum, süt terkibide köp bolidu. Bu yémekliklerni köprek istémal qilish salametlikke paydiliq. Witamin C kemchil bolsimu ademning immunitét küchi töwenlep kétidu, shunga kishiler apélsin türidiki méwe – chiwilerni köprek istémal qilishi kérekken.

yaxshi rohiy halet. Aktip pozitsiye bedendiki azot chala oksidining gorizontalini östürüp, nérwining wasitichi maddisini tengpunglashturup, ademning immunitét küchini yaxshilaydiken.

nepesni tengshep, chongqur xiyal qilish. Chongqur xiyal qilishni meshiq qilish kishilerning nérwa sistémisini téximu xatirjem qilip, bésimni töwenlitishige yardem béridiken, uyquni tengshep, qarshiliq küchini ashuridiken.

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene