Bash bet>>saghlamliq
Bedinngizning "xizmet waqti" toghrimu?
Tehrir:Zöhre muxter     Menbesi:Junggo uyghurche radiyo tori     Yollan'ghan waqit: 2014-09-27

hazir xizmet bésimining küchiyishi, ritimining tézlishishi, jümlidin islahatning chongqurlishishigha egiship, kishilerning saghlamliqqa bolghan tonushi özgermekte. Kishiler xizmet, turmushini ilmiy orunlashturushqa mislisiz köngül bölüwatidu. Yéqinda bu heqtiki muhakime kücheydi. Shundaqla mutexessislermu bu jehette özlirining qarashlirini otturigha qoydi.

junggo we gherb tébabitide her bir ademning biyologiyelik saiti oxshimaydu, shunga meshghulat qanuniyitini imkanqeder saqlash, mas keltürüshke ölük halda ésiliwalmasliq kérek, dep qarilidu.

yéqinda torda beden ezalirining kech saet 9 din etigen saet 9 ghiche bolghan xizmet iqtidari xatirilengen ‹‹beden ezalirining xizmet waqit jedwili›› tarqaldi. Bu waqit jedwilining ilmiy asasi barmu – yoq? Hazirqi jemiyitimizde kishiler kündilik meshghulatini qandaq orunlashturghanda téximu saghlam yashiyalaydu? Bu soallargha jawab tépish üchün muxbir junggo we gherb tébabiti mutexessislirini ziyaret qilghan.

torda tarqilip yürgen beden ezalirining xizmet waqti toghrimu?

uning ilmiyliki bar, emma köptürüwétilgen we toghra bolmighan terepler mewjut

torda tarqilip yürgen beden ezalirining xizmet jedwilide: "adette tamaka chekküchilerni etigende bekrek yötel tutidu, yighilip qalghan kéreksiz maddilarning chiqip kétishige tosqunluq qilmasliq üchün, bundaq chaghda yötel toxtitish dorisini ichmeslik kérek", "seher saet 7din 9ghiche bolghan waqit kichik ücheyning köp miqdarda ozuqluq qobul qilidighan waqti, shunga bu chaghda etigenlik tamaq yéyish kérek", déyilgen,

bu qarashlarning ilmiy asasi barmu – yoq?

tungji uniwérsitéti qarimiqidiki "dungfang" doxturxanisi junggo tébabiti bölümining mudiri jay chünyen: junggo tébabiti nezeriyesige asaslanghanda, seher saet 3tin 5kiche bolghan waqit hawa – qanning öpkige aqidighan waqti, bu waqitta adem bedini éghir uyqu halitide bolidu, bu pütün bedendiki hawa we qanni teqsimleshke paydiliq. Eger tamaka chékidighanlarning öpke iqtidari we asasiy nepeslinish roli ajizlashqan bolsa, etigende köp yötilish ehwali körülidu, dédi.

jang chünyen etigenlik tamaq yéyish toghrisida toxtilip mundaq dédi: uzaq muddet etigenlik tamaq yémigende beden ajizliqi we qan azliqni keltürüp chiqiridu, shundaqla tal we ashqazanning iqtidarini zeipleshtürüp, hawa – qanning shekillinishige tesir yetküzüp, maghdursizliq we dem siqilishni peyda qilidu.

wuxen sheherlik merkiziy doxturxana junggo tébabiti bölümining mudiri chüen yixung mundaq dédi: "qedimki junggo tébabitide bedendiki toksinni heydesh dégen telimat yoq, lékin hazirqi zamandiki biyologiyelik saet toghrisidiki qarashlar junggo tébabitige belgilik derijide uyghun kélidu. Adem bedinidiki ichki ezalarning hawa – qan meshghulati tebietning dewriylinish waqti bilen teng qedemde bolidu, adem bedinining kündiki hawa – qan aylinishining ajizlishishi yaki küchiyishi tomur, pellilerning échilip yépilishi bilenmu zich munasiwetlik".

"eger torda déyilgenlerge qattiq emel qilinsa, salametlikke paydiliq. Lékin tordiki qarashlarda köptürüwétilgen, hetta toghra bolmighan tereplermu bar. Mesilen: jiger emeliyette izchil xizmet qilidu, torda déyilgen kech saet 11 din seher saet 1 giche bolghan waqittin bashqa waqitlardimu toksin heydeydu. Seher saet 3tin 5kiche bolghan waqit bedendiki menpiylik bilen musbetlik almishidighan, ölüsh nisbiti eng yuqiri bolidighan waqit hésablinidu, bu chaghda yötel dorisini ishletse bolmaydu dégen qarash taza muwapiq emes. Junggo tébabitide menpiylik bilen musbetlik, besh élémént, ezalar, qan – yel qatarliqlar toghrisidiki nezeriyeler birliship ketken bolup, hazirqi zamandiki biyologiye saiti nezeriyesini yalghuz birla xil nezeriye arqiliq chüshendürüsh toghra emes".

bedendiki biyologiyelik saetni özgertish ziyanliqmu?

her bir ademning biyologiyelik saiti oxshimaydu, yoruqluq qatarliq tesirlerdin özgirip turidu, lékin biyologiyelik saet daim qalaymiqanlashsa, saghlamliqqa tesir yetküzidu.

li mingjé mundaq dédi: her bir ademning biyologiyelik saiti oxshimaydu, uni özgertishke bolidu, adette 23 saettin 25 saetkiche bir dewr hésablinidu. Yoruqluq süt emgüchi haywanlarning biyologiyelik saet shekillendürüshidiki asasliq signali. Biyologiyelik saet öz – özini tengshesh sistémisi bolup, beden bilen sirtqi muhitni özara maslashturidu; Sirtqi muhit yene yoruqluq, yémeklik qatarliq ghidiqlighuchi signallar arqiliq biyologiyelik saet bilen sirtqi muhitni maslashturidu.

jang chünyen mundaq dédi: "turmush ritimini özgertkende bedendiki hormunning ajrilip chiqish miqdari özgiridu – de, biyologiyelik saet tesirge uchrap qalaymiqanlishidu. Biologiyelik saet daim qalaymiqanlashsa, kishi asanla aghrip qalidu, tiz qériydu yaki ölüp kétidu. Bezilerning biyologiyelik saiti nechche on yildimu nisbeten turghunluqni saqliyalaydu, ularning biyologiyelik saiti normal ritimda bolghachqa, salametlik ehwali ziyangha uchrimaydu. Shunga adem bedinining ichki qismining qanuniyitige mas kélidighan kütünüsh usuli teshebbus qilinidu: birinchi, biyologiyelik saetke maslishish, biyologiyelik saetning <Del> Bolushigha kapaletlik qilish; Ikkinchi, biyologiyelik saetni asrash, saghlamliqqa köngül bölüsh; Üchinchi, biyologiyelik saetni <Rémont qilip turush>, biyologiyelik saet xata méngip qalghanda waqtida ongshash kérek".

qandaq meshghulat qilghanda saghlam bolghili bolidu?

quramigha yetken kishiler künige yette saettin toqquz saetkiche uxlashqa kapaletlik qilish, biyologiyelik saetning turghunluqini saqlash, tebiet qanuniyitige maslishish we heriket qilish bilen dem élishni birleshtürüsh yaxshi kütünüsh hésablinidu.

jang chünyen: tebiet qanuniyitige maslishish we heriket qilish bilen dem élishni birleshtürüsh yaxshi kütünüsh hésablinidu, shunga kishiler mijez – tebiiti, beden ezalirining qan – yel musbet – menpiylikini oxshashmighan jay, oxshashmighan waqitqa qarap muwapiq tengshep turghandila, beden saghlamliqini yaxshiliyalaydu, dédi.

konkrét qandaq meshghulat qilish kérek? Li mingjyé: kishilerning uxlash waqti oxshash bolmaydu, buningda bir tutash ölchem yoq. Quramigha yetken saghlam kishiler yette saettin toqquz saetkiche uxlashqa kapaletlik qilishi kérek, dédi.

jang chünyen: kündilik meshghulat we uyqu ritimliq bolushi, her künlük uxlash, ornidin turush waqti asasen turaqliq bolushi kérek. Shuning bilen bille, tebiet qanuniyitige maslishish, bek kéyin uxlimasliq, bek kéyin turmasliq, organizmning funksiyesi we qan, yelning normal aylinishigha tesir yétishtin saqlinish kérek, dédi.

xizmet éhtiyaji bilen uzaq muddet kéchide xizmet qilidighanlar saghlamliqqa bolghan ziyanni qandaq qilghanda azaytalaydu? Wu yichün mundaq dédi: kéchilik isménida ishleydighanlarning kéche bilen kündüzi almiship qalidu, ular xizmet waqtigha asasen, meshghulat qanuniyitini tengshep, bedenni imkanqeder eng yaxshi halette saqlash kérek. Uyquni muwapiq toluqlishi, waqit chiqsila mügdiwélishi, muwapiq dem élishi, suyuq – seleng ghizalinishi, "uyqu keltürüsh"ni öginiwélishi kérek

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene