Bash bet>>saghlamliq
Pesil almishish mezgilide köp körülidighan késeller we uningdin saqlinish
Tehrir:Méhrigül xudaberdi     Menbesi:Shinjang géziti     Yollan'ghan waqit: 2014-10-01

 

1. Zukam

küz peslide hawa témpératurisi turaqsiz hem téz özgirip turghachqa, kishiler asanla zukam bolup qélishi mumkin. Shunga"soghuqqa maslishish chéniqishini bash küzdin bashlash" qanuniyiti boyiche chéniqishni baldurraq bashlash, témpératurining özgirish ehwaligha asasen kiyinishni tengshep turushqa diqqet qilish, zukam bolup qalghanda dawalinish, kütünüsh we aram élishqa ehmiyet bérish kérek.

2 . Kanay (kékirdek) yallughi

sozulma xaraktérlik kanay (kékirdek) yallughi küz peslide köp qozghilidighan késellik bolup, yuqiriqi nepes yoli yuqumlinishtin peyda bolidu, uning kilimat özgirishige qarita sezgürlüki yuqiri, maslishishchanliqi nachar bolidu, tekrar qozghilidu, asan saqaymaydu, shunga dawalashqa aktip maslishish kérek. Küz peslide yopurmaqlar ghazang bolidighan, ot – chöpler quruydighan bolghachqa, hawadiki ziyade sezgürlükni ashurghuchi maddilar köpiyidu, bumu kanay yallughini qozghaydighan muhim seweblerning biri hésablinidu. Shunga amal bar ziyade sezgürlükni ashurghuchi maddilar bilen uchrishishtin saqlinish, yaxshi rohiy keypiyat arqiliq organizmlarning immunitét küchi we qarshiliq küchini ashurush, öyning hawasini almashturup turush, is – tütek we chang – tozanliq bulghinishni yoqitip muhitni yaxshilash kérek.

3 . Ashqazan késilining tekrar qozghilishi

küz peslining yétip kélishi bilen beden soghuq hawaning ghidiqlishigha uchrap, qandiki gistamin kislatasi we ashqazan kislatasining ajrilip chiqishi éship kétidu, yene ashqazan we ücheyde spazmiliq tariyish yüz bérip, bedenning qarshiliq küchi we kilimatqa maslishishchanliqi töwenlep kétidu. Buningdin bashqa hawaning sowushi bilen ademning ishtihasi échilip ashqazan we ücheyning yüki artip baridu. Shunga ashqazan késili barlar bedenni issiq tutushqa diqqet qilish bilen muwapiq derijide beden chéniqturush arqiliq ashqazan, ücheyning qan aylinishini yaxshilap, késelning qayta qozghilish éhtimalliqini azaytish, yémek – ichmekning muwapiq bolushigha diqqet qilish, tamaqning miqdarini azaytip qétim sanini köpeytish, haraq – tamakigha yolumay, ashqazan, ücheyning maslishishchanliqini yuqiri kötürüsh kérek.

4 . Boghum yallughi

küz peslining yétip kélishi bilen ademning höl issiqi éship kétidu hem soghuqning zerbisige uchraydu, buning bilen tashqi bedenni asanla soghuq qaplap boghumlar aghrish yüz béridu. Shunga bu mezgilde soghuqtin saqlinishqa diqqet qilish, bolupmu qattiq terligendin kéyin derhal soghuq su bilen uchrashmasliq yaki soghuq suda yuyunmasliq, boghum yallughi barlar yel we nemlik peyda qilidighan yémek – ichmektin yiraq turush, kiresh, mingpélek, darchin shéxi we éwkommiye qowziqi qatarliqlarni qaynitip süyige chilinip, boghum aghriqigha qarita dawalash élip bérish kérek.

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene