باش بەت>>ساغلاملىق
قاقاقلاپ كۈلۈش ئاستا يۈگۈرۈش بىلەن باراۋەر
مەنبەسى:شىنجاڭ گېزىتى |تەھرىر:مېھرىگۈل خۇدابەردى | يوللانغان ۋاقىت:2014-10-29 12:28:31

 

يېقىندا، ئىتالىيەلىك داڭلىق تەنھەرىكەت ئالىمى نېرۋا ئالېكساندىر ئۆزىنىڭ يېڭى كىتابى «بەختلىك تۇرمۇش ھەر تەرەپلىمە ساغلاملىقتىن باشلىنىدۇ»دا، قاقاقلاپ كۈلۈشنىڭ ئاستا يۈگۈرۈش بىلەن باراۋەرلىكىنى، شۇنداقلا بۇنىڭ ئىنتايىن ياخشى بولغان ئوكسىگېنلىق ھەرىكەت ئىكەنلىكىنى تەكىتلىگەن.

ھازىرقى زامان فىزىئولوگىيە ئىلمى تەتقىقاتىنىڭ ئىسپاتلىشىچە، كۈلۈش ئالاھىدە ھەرىكەت شەكلى بولۇپ، ئادەم بەدىنىگە نىسبەتەن ئېيتقاندا، ئەڭ ياخشى گىمناستىكا ھېسابلىنىدىكەن. ئادەم كۈلگەندە قورساق قىسمىدىكى مۇسكۇللار ئىختىيارسىز يىغىلىدىكەن، نەپەسلىنىش سۈرئىتى، ئۆپكىنىڭ ھاۋا ئالماشتۇرۇش سۈرئىتى نىسبەتەن تېزلىشىدىكەن، بۇ ئاستا يۈگۈرۈشنىڭ ئۈنۈمى بىلەن ئوخشىشىدىكەن. ئادەتتە ئورۇندا تۇرۇپ يۈگۈرگەندە ھەر مىنۇتتا ئوندىن 13 كالورىيە ئىسسىقلىق سەرپ قىلىنىدىكەن. تەجرىبىدىن بايقىلىشىچە، ئېچىلىپ – يېيىلىپ كۈلۈش ئادەم بەدىنىدىكى ئىسسىقلىق مىقدارىنى خورۇتىدىكەن. ئادەمنىڭ بويى بىلەن كۈلكە ئاۋازىنىڭ كۈچلۈكلۈك دەرىجىسىگە ئاساسلانغاندا، ئون مىنۇت قاقاقلاپ كۈلسە، ئەڭ كۆپ بولغاندا 50 كالورىيە ئىسسىقلىق خورايدىكەن. ئامېرىكا سىتانفۇرد ئۇنىۋېرسىتېتىنىڭ پىروفېسسورى ۋىليام فېليى 100 قېتىم قاقاقلاپ كۈلگەندىكى سۈمۈرۈلگەن ئوكسىگېننىڭ ئون مىنۇت قېيىق ھەيدەش ھەرىكىتى قىلغاندىكى سۈمۈرۈلگەن ئوكسىگېن مىقدارى بىلەن باراۋەر ئىكەنلىكىنى ئىسپاتلىغان.

بۇنىڭدىن باشقا، قاقاقلاپ كۈلۈش يەنە كۆكرەك مۇسكۇلىنى سوزىدىكەن، كۆكرەك قەپىسىنى كېڭەيتىدىكەن، ئۆپكىنىڭ سىغىمچانلىقىنى ئاشۇرىدىكەن؛ قورساق مۇسكۇلىنىڭ تەكرار بوشىشى ۋە يىغىلىشى، ئاشقازان، ئۈچەينىڭ لۆمۈلدىشىنى كۈچەيتىپ، ئاشقازان سۇيۇقلۇقىنىڭ ئاجرىلىشىنى ياخشىلاپ، ھەزىم قىلىشقا ياردەم قىلىدىكەن؛ قاقاقلاپ كۈلگەندە، پۈتۈن بەدەننىڭ ئوكسىگېن بىلەن تەمىنلىنىشى ياخشىلىنىدىكەن.

 

ھەمبەھىرلەش
كېيىنكىسى
مۇناسىۋەتلىك خەۋەرلەر
يەنە قىزىق نۇقتا
يەنە ئاۋات سۈرەتلىك خەۋەرلەر
يەنە تەنتەربىيە
يەنە پەن-تېخنىكا
يەنە غەلىتە ئىشلار
يەنە كوچا پاراڭلىرى
يەنە ساغلاملىق