Bash bet>>saghlamliq
Chong késellerdin bésharet béridighan alte chong signal
Tehrir:Méhrigül xudaberdi     Menbesi:Shinjang géziti     Yollan'ghan waqit: 2014-12-04

nusretgül ömer

1. Put – qollar uyushush, sanjip aghrish, bash qéyish, rohiy haliti qalaymiqanlishish, tili kalwalishish we sözi qalaymiqanlishish.

bolupmu yüz qismida yaki bedenning bir yan teripide yuqiriqidek ehwallar körülse, bu éhtimal shamaldarish (sekte) ning alamiti bolushi hem chong méngini qan we oksigén bilen teminleydighan artériye qan tomuri tosulghan yaki yérilghanliqning béshariti bolushi mumkin. Eger chong ménge artériye qan tomuridin mesile chiqsa, chong méngining nahayiti chong bir qismi tesirge uchrap yérim beden palechlinidu, sözleshtinmu qalidu. Eger kichik qan tomurlardin mesile chiqsa put – qol uyushush sézimi peyda bolidu. Yuqiriqi alametler körülgende derhal doxturgha körünüsh kérek, qan nokchisi peyda bolup üch saet ichide dawalash élip bérilsa, ünümge érishkili bolidu.

2.Meydisi aghrish yaki aramsizlinish, bilek, asti – üsti tanglay, boyunlar aghrish, tuyuqsiz soghuq terlesh, qattiq maghdursizlinish, köngli aynish, yandurush, bash qéyish we nepes yétishmeslik.

adette yürek késili qozghalghanda mushundaq alametler körülidu. Bezi aghriqlarda yene aghriqsiz yürek késilimu körülidu, uning eng roshen ipadisi tuyuqsiz bash qayidu, yürek soqushi jiddiylishidu, köngül ayniydu, yanduridu we soghuq terleydu. Eger yuqiriqi alametler körülse, derhal doxturgha körünüsh kérek.

3. Paqalchaq sirqirap aghrish, meyde aghrish, nepes qisilish we qan tükürüsh.

bu put qismida qan nökchisi peyda bolup qalghanliqining alamitidur. Uzaq olturup ketken we opératsiyedin kéyin uzaq orun tutup yétip qalghanlardimu nahayiti asanla mushundaq alametler körülidu. Yétish yaki olturush waqti bek uzaq bolup ketse, bir qisim qanlar putta tinip qélip qan nokchisi peyda bolup, paqalchaq ishshiydu, bu chaghda eger tuyuqsiz meyde aghrish yaki nepes yétishmeslik ehwalliri körülse, bu qan nökchilirining put qismidin ayrilip qan arqiliq öpkige bérip qélish éhtimalliqi barliqini chüshendüridu. Bu ehwal nahayiti xeterlik bolup, derhal doxturgha körünüsh kérek.

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene