Bash bet>>saghlamliq
Yette xil usul qorsaqni kichiklitidu
Tehrir:Méhrigül xudaberdi     Menbesi:Shinjang géziti     Yollan'ghan waqit: 2015-01-08

 

yéqinda, amérika MSN tor ponkitida ataqliq ashqazan, üchey késelliri alimi lobénén. Zékanning qorsaqni kichiklitish toghrisida yette xil teklipi élan qilinghan. Bu tekliplerning sizning qorsiqingizni kichiklitishke paydisi barmu, yoqmu? Sinap béqing.

tuzni az istémal qiling. Tuzluq yémeklikler ishtihani échip, qorsaq boshluqida yaghlarning yighilip qélishigha seweb bolidu. Eger taamlarni tuzsizraq hés qilsingiz achchiqsu yaki tétitqular bilen temini tengshisingiz bolidu.

amalning bariche öyge qaytip tamaq yeng. Sirtta tamaq yégende, exlet yémeklikler, yuqiri kaloriyelik yémekliklerning qobul qilinishi éship kétidu. Eger jezmen sirtta tamaq yéyishke toghra kelse, tamaqtin kéyin öyge piyade qayting.

ushshaq – chüshshek yémeklik istémal qiling. Nurghun kishi qorsaq achqandek sézim peyda bolghanda, bir nerse yémeydu, bundaq qilish toghra emes. Chünki qorsaq bek échip ketse, téximu yuqiri kaloriyelik yémekliklerge köngül tartidu. Shunga qorsaq achqandek sézim bolsa, méwe, qétiq qatarliq qoshumche yémekliklerni istémal qiling.

kechlik tamaqni az istémal qiling. Fiziologiye nuqtisidin éytqanda, qarangghu chüshkendin kéyin ashqazan tariyidiken, kechlik tamaqni bek kech yégende, ashqazanning yémekliklerni hezim qilishi yaxshi bolmay qorsaq chiqip kétidu.

yaghliq yémekliklerni az istémal qiling. Kechlik tamaqta gösh, irimchik, tuxum sériqi türidiki yaghliq yémekliklerni az yeng. Bundaq yémeklikler ashqazanning hezim qilishigha paydisiz.

yuqiri talaliq yémekliklerni muwapiq istémal qiling. Köktat we méwilerning terkibidiki yémeklik talaliri hezim qilishqa paydiliq bolup, qewziyetning aldini alidu. Biraq bir qétimda bek köp istémal qilinghanda, talalarning ghidiqlishi tüpeylidin ashqazan we ücheyning aramsizlinishini keltürüp chiqiridu.

tamaq bilen chayni az iching. Chayni az ichkende yémekliklerning hezim qilinishi yaxshi bolidu, chayni köp ichkende, hezim qilish suyuqluqini suyuldurup, hezim qilishqa tesir yetküzidu.


Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene