Bash bet>>saghlamliq
Kala süti qandaq kishilerge yaqmaydu?
Tehrir:Méhrigül xudaberdi     Menbesi:Shinjang géziti     Yollan'ghan waqit: 2015-02-20

 

 

    Kala sütining ozuqluq terkibi yuqiri bolghachqa, kishiler teripidin ‹‹aq qan›› dep teriplinidu, emma u hemme kishining ichishige mas kéliwermeydu.

    1. Tömür kemliktin bolghan qan azliq késili barlar

    Yémekliklerdiki tömür bedenge qobul qilinish üchün aldi bilen hezim qilish yollirida férrous (töwen waléntliq tömür) ge aylinishi kérek, eger köp miqdarda kala süti ichkende, bedendiki férrous (töwen waléntliq tömür) kala sütidiki kaltsiy tuzliri we fosfor tuzliri bilen birikip, érimes ximiyelik maddilargha aylinidu – de, tömürning bedenge qobul qilinishigha tesir yétidu, buning bilen qan toluqlashqa paydisiz bolidu.

    2. Tetür éqimliq qizilönggech yallughi aghriqliri

    Terkibide may bolghan kala süti qizilönggech astinqi qorughuchi muskulining tariyishigha tesir yetküzgechke, ashqazan suyuqluqi yaki üchey suyuqluqining tetür éqimi küchiyip, qizilönggech yallughini téximu éghirlashturuwétidu.

    3. Qorsaq opératsiyesi aghriqliri

    Bularning köpinchisining üchiyide yel bolghachqa, kala sütidiki may we aqsillar échighanda, köp miqdarda gaz hasil qilip, ücheydiki yellerni téximu köpeytiwétidu, bu ücheyning lömüldesh iqtidarining eslige kélishige paydisiz.

    4. Hezim yoli jarahiti barlar

    Kala süti ashqazan suyuqluqining jarahet yüzini ghidiqlishini ajizlashtursimu, emma ashqazan – üchey shilliq perdisini ghidiqlap, téximu köp ashqazan kislatasining ajrilishini keltürüp chiqirip, késellikni téximu éghirlashturuwétidu.

    5. Laktoza (süt qenti) kislatasi kemler

    Kala sütide laktoza (süt qenti) köp bolidu, biraq beden uni biwasite qobul qilalmaydu, peqet hezim qilish yolida laktoza (süt qenti) kislatasining tesiride yérim laktoza (süt qenti) we gilukozigha parchilanghandin kéyinla andin qobul qilalaydu, eger bedende laktoza (süt qenti) kislatasi kemchil kishiler süt ichse, qorsaq aghriydu yaki ichi süridu.

    6. Öt yallughi we ashqazan asti bézi yallughi barlar

    Kala sütidiki mayning hezim qilinishi öt suyuqluqi we stéapsinning qatnishishi arqiliq bolidu, shunga köp miqdarda kala süti istémal qilghanda öt we ashqazan asti bézining yüki artip, késel téximu éghirlap kétidu.

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene