Bash bet>>saghlamliq
Oxshimighan yashtiki xanim-qizlarning yémek-ichmiki we güzellik
Tehrir:Méhrigül xudaberdi     Menbesi:Shinjang géziti     Yollan'ghan waqit: 2015-02-20

 

 
 

zorigül islam

yémekliktiki aqsil, yagh kislatasi, qent, minéral madda, mikro élémént, su, séllyolozilar saghlamliq we chiray güzellikige kéreklik muhim ozuqluq maddilardur. Bularning kélish menbesi yenila ozuqluqtur, shunga oxshimighan yashtiki xanim–qizlar oxshash bolmighan yémekliklerni istémal qilish arqiliq saghlamliqi we chirayni güzelleshtürüshte ünüm hasil qilalaydu.

15–25 yashtikiler: bu mezgil xanim – qizlarning heyz kücheygen, köpiyish ezaliri yétilgen dewri bolup, yagh bézi ajralmiliri köpiyidu. Bu mezgilde térini parqiraq, mengzni qizil, élastik qilish üchün aqsil, yagh kislatasi we köp xil witaminlarni toluqlap turush kérek. Yéssiwélek, purchaq ündürmisi, qara gösh, mash türidikiler yaxshi yémeklik hésablinidu. Tuzluq yémekliklerni az yéyish, suni köprek ichish kérek. Bu tére qurghaqlishishning aldini alidu, süydük miqdarini köpeytip, yagh métabolizmini ilgiri sürüp, yüzge danixorek chiqishni azaytidu.

25–30 yashtikiler: bu mezgilde xanim – qizlarning péshane we manglaylirigha qoruq chüshüshke bashlaydu, tére astidiki yagh bezliri ajralmilirining miqdari aziyidu, buning bilen térining parqiraqliqi ajizlap, yériklishishke bashlaydu, shunga, ozuqlinishta, tuzluq yémekliklerni az yéyish, suni köprek ichishtek yaxshi ozuqlinish aditini dawamlashturush, terkibide witamin C we witamin B mol yémeklikler, mesilen: chupurshang, sewze, shoxla, terxemek, baqile, qérinqulaq, süt qatarliqlarni köprek istémal qilish kérek.

30–40 yashtikiler: bu mezgildiki ayallarning ichki ajratma we tuxumdan iqtidari barghanséri chékinip, tére asanla qurghaqlishidu, köz quyruqida béliq quyruqsiman qoruqlar peyda bolushqa bashlaydu. Éngek muskulliri boshishidu, köz quyruqida peyda bolidighan qoruqlar téximu roshen bolidu. Bu alametler bedende su we witaminlarning kemlikidin bolidu. Shunga, yémek – ichmek jehette terkibide witamin mol köktat, méwe – chiwilerni istémal qilish hem béliq, oruq gösh qatarliq terkibide kollagénliq aqsil köp bolghan haywanat aqsilini toluqlap turushqa diqqet qilish, shundaqla etigende bir istakan suwutulghan qaynaq su échip bérish kérek.

40–50 yashtikiler: bu mezgilde ayallar heyz késilish dewrige kiridu, tuxumdanning iqtidari chékinip, hipofiz aldi yapraqchisining iqtidari nérwilarni qalaymiqanlashturup, asanla hayajanlinish yaki meyüslinishni keltürüp chiqiridu. Köz qapiqi etrapida asanla qara dagh hasil bolidu hem tére qurghaqlishidu. Shunga yémek – ichmekte, xoléstérinning chiqirilishini ilgiri süridighan, qan toluqlaydighan, yüz térisining qérishini kéchiktüridighan yémekliklerdin tatliq berenggi, dümbemedek, limon, yangaq we terkibide witamin E mol bolghan kökqat, chécheksey, yer yangiqi (xasing) qatarliqlarni istémal qilish kérek.

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene