Bash bet>>saghlamliq
Balilarning chishini qurt yéyishni keltürüp chiqiridighan üch nachar adet
Tehrir:Méhrigül xudaberdi     Menbesi:Tengritagh uyghurche tori     Yollan'ghan waqit: 2015-04-26

 

 

 Balilarning chishini qurt yéyish ata – anilarning béshini qaturidighan mesile. Balilarning chishini qurt yéyishni töwendikidek nachar adetler keltürüp chiqiridu.

1. Tamaq tallash

   Tamaq tallash aditi balilarning pütün beden saghlamliqigha tesir yetküzüpla qalmastin, yene chishighimu zor ziyan yetküzidu. Balilar adette bolka, péchine – pirenik, kempüt qatarliq tatliq, asan uwilidighan, ushshaq- chüshshek yémekliklerni yéyishni yaxshi köridu. Asan uwilidighan yémekliklerning éghiz ichidiki chaynilish waqti qisqa, sürkilish az bolghanliqtin, chish sürkilish arqiliq tazilinish imkaniyitige ige bolalmaydu; Yémeklikni chaynash shölgey bézining shölgey ajritip chiqirishini ilgiri sürüsh roligha ige, chaynash qétim sani az we chaynash waqti qisqa bolghanda éghizdiki shölgeyning ajritilish miqdarimu az bolidu. Shölgey chishning tashqi qewitini yuyush we pakizlash roligha ige. Tamaq tallaydighan balilar adette tatliq, ushshaq – chüshshek we qent terkiblik yémekliklerni köprek istémal qilidu, bezi balilar kechte qent terkibi yuqiri bolghan süt mehsulatliri yaki yépishqaq yémekliklerni yéyishni yaxshi körgenliktin we bu nersilerni yégendin kéyin chishini chotkilimighanliqtin yémeklik qalduqliri asanla chishqa toplinip qalidu. Uxlighanda nurghun shölgey bezliri shölgey ajritip chiqirishtin toxtighanliqi üchün shölgey suyuqluqining chishni yuyush iqtidarimu töwenleydu – de, chishni asan qurt yeydu.

   2. Tamaqni bir tereptila chaynash

   Normal ehwalda yémeklik chaynighanda ikki tereptiki chish nöwetliship ishlitilidu. Bezi balilar kichikidin yémeklikni bir tereptila chaynashtek nachar adetni yétildürgen bolup bundaq balilarning chishi retlik ösmeydu. Yeni ishlitilmigen tereptiki chish yémeklik chaynimighanliqi üchün bu chishning özini özi tazilash roli körünerlik töwenleydu, sirtqi yüzigimu nurghun yémeklik qalduqliri topliniwélip, bu yerde baktériyeler ösüp yétilidu, netijide chishni qurt yeydu.

   3. Turaqliq chish yéngila chiqqan chaghdiki nachar adet

   Süt chish boshap, turaqliq chish chiqish aldida bezi balilar tili bilen yéngi chiqqan turaqliq chishni yalaydu; Daim zukam bolush sewebidin bezi balilarning burnida nepes élishi qiyinliship, uzun waqit éghizini échip nepes alidu; Bezi kichik balilar daim barmiqini shoraydu; Bezi qizlarning ösüp yétilish mezgilide léwini chishleydighan aditi bolidu; Yene bezi bashlanghuch mektep oqughuchilirining qérindashning uchini chishlesh, tirniqini ghajashtek nachar adetliri bolidu.Yuqiriqi adetlerning hemmisi balilarda chish qingghir ösüsh, chish ariliqi keng bolushni keltürüp chiqiridu, buning bilen tamaq yégende yémeklik qalduqliri asanla chishqa kiriwélip, baktériyeler peyda bolidu–de, chishni qurt yeydu.

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene