Bash bet>>saghlamliq
Balingizning derstin sirtqi waqtini igiliwalmang
Tehrir:Méhrigül xudaberdi     Menbesi:Shinjang géziti     Yollan'ghan waqit: 2015-04-26

 

 
yéqinqi yillardin buyan, ata – anilar balilirini bes – beste terbiyelesh siniplirigha qatnashturidighan bolup ketti. Lékin terbiyeleshke qatnashturushta noqul yuqiri nomurni qoghliship, balilirining qiziqishi bilen qilche hésablashmaywatidu. Bundaq köz aldidiki menpeetnila oylash, burnining uchinila körüsh balilarning saghlam ösüp yétilishige ziyanliq.

oqughuchilarning shenbe, yekshenbisini we héyt – bayram künlirini qurban qilish bedilige derstin sirtqi terbiyeleshke qatnashturush, ularning öginish bésimini ashurupla qalmastin, belki jismaniy, rohiy saghlamliqigha ziyan salidu. Qiziqish eng yaxshi yétekchidur. Eger balilarda derstin sirtqi terbiyeleshke qarita héchqandaq qiziqish bolmisa, ularni herqanche köp terbiyeleshke qatnashturghan teqdirdimu, ördekke su yuqmighandekla ünümsiz bolidu.

tetqiqatlardin ispatlinishiche, peqet 5% etrapidiki kishilerningla eqil bölünmisi yuqiri bolup, ular del pewquladde ‹‹talantliq balilar›› iken. Shunga balilarning melum talanti yaki qiziqishi yoqluqigha qarimay ularni terbiyeleshke mejburiy qatnashtursaq hem ularning öginishi we eqil – parasitining tereqqiyatinila közlep, chektin ashqan teleplerni qoyuwélip, héssiyat we pisxologiyesining yétilishige sel qarisaq bolmaydu hem bundaq terbiyelengen balilarning kelgüsidiki tereqqiyatimu körünerlik bolmaydu.

emeliyette, balilarning derstin sirtqi terbiyelinishte qanchilik mukapatlargha érishishi maaripimizning muweppeqiyiti yaki meghlubiyitining ölchimi bolalmaydu. Eger balilarning melum terepte heqiqeten yoshurun iqtidari we ottek ishtiyaqi bolsa, yéteklesh arqiliq melum mukapatlargha érishelise bu eqilge muwapiq. Noqul yuqiri örlep oqushni meqset qilip, ularning saghlam ösüp yétilishini qurban qilish bedilige terbiyeleshke qatnashturushning qilchilik ehmiyiti bolmaydu.

derweqe, balilar köp mukapatqa érishse, ularning yuqiri örlep oqushigha paydisi bolidu. Biraq bu ularning kelgüsidimu zor utuqlargha érisheleydighanliqigha wekillik qilalmaydu. Biz undaq – mundaq mukapatlarni pesh qilish arqiliq birawni bahalimasliqimiz lazim. Éynishtiyin héchqandaq mukapatqa ériship baqmighan, hetta uning nisbiylik nezeriyesimu tartuqlanghan emes.

qisqisi, balilarning derstin sirtqi terbiyelinishke qatnishishi terbiyeleshtiki sewenlik emes, belki mektep we jemiyetning terbiyelesh iqtidarini kéngeytiwétip, buni ixtisasliqlarni tallashtiki asasiy ölchem qiliwalghanliqida hem ata – anilarning qaymuqup, shamalgha egeshkenlikide.

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene