Bash bet>>saghlamliq
Sekkiz türlük ish yürikingizni saghlam qilidu
Tehrir:Bextiyar gheyret     Menbesi:Junggo uyghurche radiyo tori     Yollan'ghan waqit: 2017-07-30

exlet yémeklikni az yeng

yürekke paydisiz bolghan, qan tomurlarni tosuydighan exlet yémekliklerning ornigha, yürekke paydiliq bolghan örük méghizi, tuzsiz pirenik, noqut we kerepshe qatarliq yémekliklerni istimal qiling.

qorsaq bek achqanda yémeklik bazirini aylanmang

tetqiqat netijiside körsitilishiche, qorsaq bek achqanda, kishiler asanla yuqiri yaghliq yémekliklerni sétiwalidiken, shunga bazar arilashtin burun choqum miwe-chéwe asas qilinghan yémekliklerni mal sétiwélish tizimlikingizge kirgüzüng, tuz we yagh terkibi yuqiri yémekliklerni istémal qilish hezer eyleng.

köprek méngip béring

her küni on ming qedem méngip bergende, yürek we bedenning salametlikke paydiliq, aptomobilingizni özingiz turidighan jaydin yiraqraq yerge toxtiting, piyade yaki wélsipit bilen xizmetke béring, bazar arilang, mana mushu usullarning hemmisi yürek saghlamliqigha paydiliq, künde yérim saet heriket qilish yürek we ten salametliki üchün nahayiti muhim.

dawamliq pelempey bilen ménging

meyli soda saray yaki ishxanida bolsun, eng yaxshisi lifitqa chiqmay, pelempey bilen ménging, pelempey bilen méngish yürek saghlamliqigha paydiliq bolghan eng yaxshi oksigénliq heriket, eger yette bölek pelempeydin chiqqanda hasirap ketmisingiz, téningiz normal hésablinidu, nawada hasirap ketsingiz, heriket qilish layihingizni özgerting. Eskertip qoyushqa tégishliki shuki, semirip ketkenler, yashanghanlar, tizi zexmilengenler eng yaxshisi pelempeydin méngip beden chéniqturmasliqi kérek.

bésimni yénikliting

bésim bilen yürek késelliki bir birdin ayrilalmaydu, her küni köp qétim, her qétimda qisqa waqit aram élish arqiliq bésimni tügetkili bolidu. Mesilen, her saette bir qétim öre turup, bedenni kérish herikiti ishlep, put qolni heriketlendürüsh, her küni bir nechche qétim, her qétimda on minutche sirtta piyade méngish, sap hawadin nepeslinish kérek.

énirgiyilik ichimliklerni azraq istimal qiling

köpinche ademlerge nisbeten etigende bir ikki istakan qehwe ichish intayin normal ehwal, biraq énirgiyilik ichimliklerni köp miqdarda istimal qilghanda, kéchilik uyqu yaxshi bolmaydu, uyqu kemchil bolsa qan bésimi yuqirilap kétidu, buning bilen yürekning saghlamliqigha tesir yétidu, shunga uxlashtin 5-6 saet burun choqum énirgiyelik ichimliklerni istémal qilmasliq kérek.

yürek asraydighan yémekliklerni istémal qilishqa adetlining

yürek asraydighan yémekliklerni istimal qilishni adetke aylandurush kérek. Kechlik tamaqta amal bar salat, köktat shakilat, böljürgen qatarliq yémekliklerni istimal qiling, chüshlük tamaqta amal bar toxu göshi, köktat, qétiq, muwapiq miqdardiki méwe-chéwe qatarliqlarni yéyishke adetlining.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene