بەزىلەر لىموننى يورۇقلۇققا سەزگۈر يېمەكلىك دەپ قاراپ، يورۇقلۇقنى ئاسان سۈمۈرۈۋالىدۇ، شۇنىڭ بىلەن تېرىمىز قارىداپ كېتىدۇ دەيدۇ.

  بۇنىڭغا قارىتا مۇتەخەسسىسلەر مۇنۇلارنى بىلدۈردى: لىموندا ھەقىقەتەن يورۇقلۇققا سەزگۈر ماددىلار بار بولۇپ، ئاساسلىقى فۇران كوئۇمارىن. بۇ خىل ماددا ئۇلترا بىنەپشە نۇردا ئاكتىپلىشىپ، يورۇقلۇقتىن زەھەرلىنىش رېئاكسىيەسىنى پەيدا قىلىپ، ئۆسۈملۈك مەنبەلىك قۇياش نۇرى مەنبەلىك تېرە ياللۇغىنى كەلتۈرۈپ چىقىرىپ، تېرىدە قىزىل داغ، سۇلۇق قاپارتما، ئېپىدېرما نېكروزلىنىش ۋە ياللۇغلانغاندىن كېيىنكى بەزى پىگمېنتلارنىڭ چۆكۈشىنى پەيدا قىلىپ، تېرىدە داغ پەيدا قىلىش، قارىداش قاتارلىقلارنى پەيدا قىلىدۇ. لېكىن شۇنى ئايدىڭلاشتۇرۇش كېرەككى، لىموندىكى فۇران كوئۇمارىن مىقدارى كۆپ ئەمەس. بەزى ئالىملار بۇ توغرىسىدا تەجرىبە ئىشلىگەن، ئەگەر لىمون يېيىش ئارقىلىق يورۇقلۇققا سەزگۈر رېئاكسىيەسى ھاسىل قىلماقچى بولغاندا ھەر كۈنى تەخمىنەن 350تىن ئارتۇق لىمون يېيىشكە توغرا كېلىدىكەن. شۇڭا بىز ئادەتتە لىمون سۈيى ئىچسەك، بەدىنىمىزگە ئانچە چوڭ تەسىر كۆرسەتمەيدىكەن ۋە تېرىنى قارىدىتىۋەتمەيدىكەن.

  تەرجىمان: گۈلرىز سۈرئەت

  سېلىشتۇرغۇچى: ئاراپات ھۈسەنجان