Bash bet>>Ma’arip
Aile méhri we öy tamiqi
Tehrir:Méhrigül xudaberdi     Menbesi:Junggo uyghurche radiyo tori     Yollan'ghan waqit: 2015-05-12

 

 

kichik chéghimizda apam chong tamaq shiresini qoyup, tamaqqa chaqirghanda hemmimiz özimizning orunlirimizda olturattuq, tamaq shiresining eng töri atamning idi, atam tamaq shiresige kelmidimu bashqilirimizning kélip olturiwélishigha bolmaytti, atam kelmigüche tamaq tartilmaytti, baldur kelgenler baldur yep, kéyin kelgenler sowup qalghan tamaq yeydighan ish yoq idi. Kéyin hemmimiz öylük-ochaqliq bolduq, chong öyge yighilghan chéghimizda atam olturidighan shu orungha qarap közlirimge kelgen yashlarni chandurmay sürtiwétimen. Bu orun kéyin newre-chewriler bilen pétishmighanda bashqilar teripidin igilinip ketken bolsimu, emma qelbimizde atamning orni yenila törde idi. Ata-ana ailining merkiziy oqi, balilar mushu oqni chörgilep pirqiraydiken. Méhrini ailige baghlaydiken, atamning shu chaghlarda qandaq qaraydighanliqi manga namelum, emma rehmetlik atam birer waq tamaqni sirtta yémeytti, bazarda tamaq yep qalidighan alahide ehwallarda bizge samsa, göshgirdilerni élip kéletti, biz yene bille olturup yéyishettuq. Shuninggha qarighanda ata dastixangha derqemde bolsa, ailining méhri chongqurlishidighan oxshaydu. Hazir jan sanimiz az, tamaq shirelirimiz bezide atining, bezide anining orni bosh, bezide bala tonglatqudiki tamaqlarni issitip yeydu, balilarni mushuninggha köndürduq. Bolupmu yash atilar sirtlarda köprek tamaq yeydu, buningmu sewebi bar. Emma, hayatimizning menisidin élip éytsaq, bir ailining illiqliqini saqlash, méhir-muhebbetlik aile qurush yenila ailining bashliqi erge baghliqken. Ayallar qatar chaydek paaliyetler bilen ayda birer-ikki qétim sirtta bolup qalmisaq, bashqa chaghlarda biz nede bolsaq balilar shu yerde pirqiraydu, er tamaq waqtida bolmisa, öyde tamaqningmu mezzisi bolmaydu, ayalning qolining temimu qachidu, ayal üchün érining söyünüp turushidinmu artuq inam yoq. Chünki ayallar söyüsh-söyülüsh üchünla tughulghan, barliqimiz bilen ailimizni söyimiz. Ejrimiz üchün söyülüshkimu heqliqmiz. Ochaq béshida bu hoquqimizni téximu jari qilduralaymiz. Shunga, er yaki ayal bolsun, tamaq waqtida tamaq shiresidiki ornimizni bosh qaldurmighinimiz yaxshi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene