Bash bet>>Ma’arip>>Aliy mektep
Amérikigha seper qilghan qaynuqluq qiz
Tehrir:Gülbehrem muxtar     Menbesi:Shinjang géziti     Yollan'ghan waqit: 2014-08-08

 

amérika merkiziy michigan uniwérsitéti dunyagha dangliq aliy bilim yurtlirining biri. Shunga nurghun ilim xumarliri mana mushundaq aliy bilim yurtlirida ilim tehsil qilishni özlirining eng muqeddes ghayisi qilghan, elwette.

chapchal nahiyesining qaynuq yézisi chéji kenti 2 – guruppisidiki ehmedjan rehmedjanning qizi medinem bu yil xéylungjyang uniwérsitétidiki töt yilliq oqushini ongushluq tamamlap, amérikidiki ene shu dangliq, aliy bilim yurtigha oqushqa qobul qilindi.

medinem ehmedjan 2006 – yili qaynuq yéziliq toluqsiz ottura mektepni pütküzüp, guangdung ölkisining dunggüen shehiridiki aliy ottura mektipining shinjang sinipigha oqushqa qobul qilindi, u mektepke barghandin kéyin, özining tirishchanliqi, oqutquchi – ustazlirining yardimi bilen shu yilila közge köründi. 2 – yilidin bashlap shinjangliq oqughuchilar xenzu oqughuchilar bilen qoshulup oquydighan bolghachqa, derslerning salmiqi éghirlap ketti. Mushundaq sharaitta medinem xenzu sawaqdashliri bilen bolghan ittipaqliq, hemkarliqni qoyuqlashturup, özige qattiq telep qoyup, sinip boyiche munewwer oqughuchilar qataridin orun élip, oqutquchi – oqughuchilarning diqqitini qozghidi. U derstin sirtqi bosh waqitliridin we her künlük kechlik tekrardin paydilinip ingliz tilini öginishke bashlidi.

2010 – yili toluq ottura mektepler ara ötküzülgen jughrapiye zéhin sinash musabiqiside memliket boyiche 1 – bolup, mektep, jümlidin shinjangliq oqughuchilargha shan – sherep keltürdi hem shu yili aliy mekteplerning bir tutash imtihanigha qatniship, yuqiri nomur bilen xéylungjyang uniwérsitétining memuriy bashqurush kespige qobul qilindi.

medinem ehmedjan özining tirishchanliqi we döletning étibar siyasetlirining türtkiside her yili 8000 yüendin artuq oqush mukapat puli élip, sawaqdashlirining öginish ülgisige aylanghandin bashqa, mektep boyiche uyushturulghan nutuq sözlesh, zéhin sinash we bashqa ilmiy munazirilerge aktip qatniship, yaxshi netijilerge érishti. U bu yil bu mekteptiki oqushini ghelibilik tamamlap, michigan uniwérsitétigha memuriy we ijtimaiy bashqurush kespi boyiche ikki yilliq aspirantliqqa qobul qilindi.

ehmedjan rehmedjan mundaq dédi: dölitimizning az sanliq millet rayonlirigha qaratqan ewzel siyasetlirining türtkiside, qizim toluq ottura mektep we aliy mektepni ghelibilik tamamlap, bu yil amérikidiki michigan uniwérsitétigha ikki yilliq aspirantliq oqushigha qobul qilindi. Bu ailimiz, shundaqla yurtimiz üchün zor sherep. Men bir déhqan, kichikimde ailimizning namratliqi sewebidin mektepte oquyalmighan, méning medinemdin bashqa yene bir oghul, bir qizim bar, oghlum abdughappar bu yil shinjang qatnash institutini pütküzüp, ürümchide piraktika qiliwatidu, kenji qizim aminem bultur shinjang binakarliq – qurulush institutigha qobul qilinghan, hazir shu mektepte oquwatidu.

medinem exmetjan mundaq dédi: biz üch perzent keyni – keynidin aliy mekteplerge qobul qilinip, ata – animizni iqtisadiy jehettin halsiritiwettuq, buningdin men bek xijilmen. Ular bizni oqutimiz dep, yilda birer qurdin yéngi kiyim kiyishkimu közi qiymaywatidu. Barliqini biz üchün béghishlawatqan mushundaq pidakar, meripetperwer ata – animizdin pexirlinimiz.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene