Bash bet>>Ma’arip>>Ma’arip uchurliri
Balini toghra terbiyilesh usulliri 2
Tehrir:Méhrigül xudaberdi     Menbesi:Junggo uyghurche radiyo tori     Yollan'ghan waqit: 2014-09-18

 

karl witér (gérmaniye)

oghlumni terbiyileshtiki heqiqiy meqsitim __ uning eqil-paraset köznikini échip, jemiyettiki yaman ishlarni sezgülük bilen küziteleydighan, ijtimaiy ziddiyet hem nuqsanlarni bayqiyalaydighan qilip yétishtürüshtin ibaret. Biz insanlarning ghayisi hergizmu adem ata bilen hawa animizgha oxshash özimizning qipyalingachliqimizni bilmey, jennette xushal-xuram yashash bilenla qanaetlinip qalmasliqimiz kérek. Shunga, men oghlumning meniwi jehettin qarighularche ümidwarlardin bolup qélishini hergizmu xalimayttim.

oghlumgha chet el tilini qandaq ögettim

oghlumgha til ögitish we uning sawatini chiqirish terbiyiside netijige érishken bolsammu, lékin qanaetlinip qalmay, uninggha birer muhim chet el tilidin baldurraq asas sélish qararigha keldim. Chünki, köp xil til ögitish __ balining söz menisini toghra chüshinish we tepekkur qilishigha paydiliq idi. Awwal asanlirini, andin teslirini ögitish pirinsipini közde tutup, oghlumgha ana tilning oqulushini pishshiq igilitish asasida, shu tilgha yéqin kélidighan birer chet el tilini ögitish qararigha keldim. Oghlum némis tilida erkin oquyalaydighan bolghandin kéyin, men uninggha derhal fransuz tilini ögitishke bashlidim. U chaghda oghlum emdila alte yashqa kirgen idi. Muwapiq usul qollinilghachqa, bir yil waqit ichidila, oghlum fransuz til-yéziqidiki türlük kitablarni erkin oquyalaydighan boldi, uning bundaq téz öginishi aldi bilen yenila némis tili bilimining intayin mol bolghanliqi bilen munasiwetlik, elwette.

karl fransuz tilini öginip bolghandin kéyinla, italyan tili öginishke kiriship, alte ay ichidila u tilni öginip boldi. Bu chaghda, men uninggha emdi latin tili ögetsem bolidiken, dep oylidim. Mekteplerde adette chet el tili öginishte, aldi bilen latin tilidin bashlap öginish zörür, dep belgilengen. Biraq méningche, öginishte mundaq ziyade mejburlimay, némis tiligha eng yéqin bolghan fransuz tilidin bashlap öginish eng muwapiq. Shunga, men awwal asanlirini, andin teslirini öginish tertipi boyiche bolush osulini qollandim.

latin tili öginish on nechche yashliq baligha nisbeten tolimu tes bolup, bash aghritqudek ish. Shunga, men muwapiq teyyarliq qilip bolghandin kéyin, andin u tilni ögitishke bashlidim. Oghlumning qiziqishini qozghash üchün, latin tili ögitishtin ilgiri, men awwal wékkérning "élchis" namliq dastanining weqeliki, muhim idiyiwi mezmuni hem güzel til uslubi qatarliqlarni oghlumgha sözlep berdim. Men yene: "eger közge körüngen ilim ehli bolay déseng, latin tilini choqum yaxshi öginishing kérek" dédim. Shuning bilen oghlumning qiziqishi qozghaldi.

oghlum yette yashlargha kirgende, men uni hemishe léyipzig muzika kéchilikige élip barattim. Bir qétim ariliqtiki dem élishta, oghlum tiyatirning naxsha tékisti yézilghan kitabchini körüp, manga: "dada, bu fransuzchimu, italiyanchimu emes, latin tili iken" dédi. Men bu pursettin paydilinip: "shundaq, emdi uning menisi néme ikenlikini tépip baq" dep, uni ilhamlandurdum. Oghlum fransuz tili hem italyan tilida pikir yürgüzüp, uning asasiy menisini biliwaldi. U, xoshal bolghan halda: "dada, latin tili bundaq asan bolidighan bolsa, men baldurraq ögengen bolattim" dégen idi. Mushu chaghdila, men shert-sharait piship yétiliptu dep hés qilip, uninggha latin tili ögitishni bashlidim. Toqquz ay ichidila latin tilini öginiwaldi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene