Bash bet>>Ma’arip>>Ma’arip uchurliri
Balingizni öy ishlirigha saldingizmu ?
Tehrir:Méhrigül xudaberdi     Menbesi:Shinjang géziti     Yollan'ghan waqit: 2014-11-13

 

emgekni söyüsh balilarda tughma bolidu, hurunluq we kalanpayliq kéyin shekillinidu, eger balam qabiliyetlik, yaramliq adem bolsun désingiz, özingiznimu özgerting, balingizghimu emgek terbiyesi béring.

emgek adem bolushning asasi. Xarward uniwérsitétidiki bezi mutexessisler boston rayonidiki 456 balini 20 yilghiche iz qoghlap ehwal igilep, öy ishigha amraq balilar bilen öy ishi bilen xushi yoq balilarni sélishturghanda, chong bolghandin kéyinki ishsizliq nisbiti 1: 15, jinayet ötküzüsh nisbiti 1: 10 bolghan, otturiche kirimi 20% etrapida yuqiri bolghan, ajrishish nisbiti, pisxik késelliklerge giriptar bolush nisbitimu bir qeder töwen bolghan. Mutexessisler tehlil qilip, balilargha kichikidin bashlap öy ishlirini qildurush, ularning japagha chidaydighan, emgek méwisini, aile ezaliri otturisidiki méhir – muhebbetni qedirleydighan, bashqilarni hörmetleydighan ésil exlaq – peziletlerni yétildürüshige paydiliq; Ular chong bolghandin kéyin tebiiyla ‹‹qoli ishqa barmaydighan›› balilardin istiqballiq bolidu; Dep qarighan.

gerche kelgüside kishiler köpinche jismaniy emgekning ornigha eqliy emgekni dessitidighan bolsimu, biraq eqliy emgek pütünley jismaniy emgekning ornini alalmaydu, eger balilargha kichikidin emgek dersi ötülmise, chong bolghanda özining ishlirining höddisidin yaxshi chiqalmaydighan, jemiyet üchün paydiliq adem bolalishi natayin. Shunga balilargha nisbeten éytqanda, emgek éngi we iqtidarini yétildürüsh öy ishlirini qilishtin bashlinidu.

emgek tepekkurni achidu, junggoluq ata – anilar balisining eqliy qabiliyitini échishqa intayin ehmiyet béridu, emma eqliy qabiliyitining asasi tepekkur iqtidari ikenlikini, tepekkur herikiti emeliy paaliyettin ayrilalmaydighanliqini oylap baqmaydu. Emgek jeryanida bala hemishe yéngi mesililerni uchritidu hem bayqaydu, buning üchün u choqum tepekkur qilidu, shuning bilen u mesililerni qandaq bir terep qilishni öginidu. Bala emgektiki qiyinchiliqni yéngip, uchrighan mesililerni hel qilip, özining emgek méwisini körgende uningda ghelibe tuyghusi bolidu, shuning bilen öginish qizghinliqi éship, eqliy qabiliyitining ilgiri sürülüshige türtke bolidu. Bu jeryanlar bashqa paaliyetlerde emelge ashmaydu. Bir edebiyat oqutquchisi 3 – yilliq oqughuchilirigha dérize eyniki toghriliq bir parche maqale yézip kélish tapshuruqi bergen, netijide üch oqughuchi qandaq qilghanda dérize eynikini pakiz sürtkili bolidighanliqi toghriliq intayin chüshinishlik yazalighan, eslide shu oqughuchilar ata – anilirigha yardemliship shu ishni qilghan yaki körgen iken.

emgek maharetni yétildüridu, bala kelgüside qandaq xizmet qilishidin qetiynezer hemmisi qol sélip ishlesh maharitini telep qilidu, eger ata – ana baligha kichikidin özining ishlirini özlirige qildurup meshiq qildursa, waqitning ötishige egiship, bala qol sélip ishleshke mahir bolup, kelgüside turmush we xizmet telipige maslishalaydu.

maaripshunas anton siminowich makarénko uzaq muddet tetqiq qilip we közitip, ailide toghra bolghan emgek terbiyesi qobul qilghan bala intayin ongushluq halda bashqa terbiye we bilimlerni qobul qilalaydu, dep yekün chiqarghan. Omumen ailide emgek terbiyesi we meshiqini qobul qilmighan bala gerche tiriship oqup, eng yaxshi maarip sharaitigha ige bolsimu, yenila bezi meshiq maharetlirini eng yaxshi derijide qobul qilalmaydu hem her xil meghlubiyetlerge duch kélishi mumkin.

öy ishlirini qilish balida ailige, ata – anigha qarita mesuliyet tuyghusini yétildüridighan ünümlük yol. Baligha qurbi yétidighan öy ishlirini qildurghanda, bala asta – asta özining ailidiki rolini, ornini hés qilidu, ata – anisi buyrighan ishlarni waqtida, yaxshi orundashqa tirishidu, eger öy ishliri arqiliq chéniqturulmisa balida mesuliyet tuyghusi ajiz yaki yoq bolup qalidu.

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene