Bash bet>>Tarixtiki Bügün
1-séntebir
Tehrir:Gülriz süret     Menbesi:Junggo uyghurche radiyo tori     Yollan'ghan waqit: 2015-09-01
 
1998-yili bügünki künde, rosiye torda natséstlarning arxipini kim artuq qilip satqan. Buning ichide gétlirining bash alaqichisning kündilik xatirisi bar. Bu arxiplarni sowit ittipaqi qizil armiyisi 2-dunya urushi mezgilining axirqi mezgilide bérlinni ishghal qilghanda qolgha chüshürgen. Bu matériyal bir milyon bet kélidu.
1985-yili bügünki künde, titanik namliq paraxotning qalduqliri bayqalghan. Titanik namliq paraxotqa zadi néme bolghan? Töwendiki "titanik" namliq kinoning weqelikini körsingiz bu sualgha jawab tapalaysiz.
1998-yili 3-ayning 23-küni "titanik"filimi 11 türlük oskar mukapatigha érishken. Bu filimgha 200 milyon amérika dolliriliq meblegh sélinghan bolup, filimning bélet kirimi bir milyard 800 milyon amérika dolliridin éship ketti. "titanik" filimi 1998-yili eng nadir filim, eng yaxshi rézhissor mukapati qatarliq 11 türde oskar mukapatigha érishken. 1998-yilliq oskar mukapatini tarqitish kéchilikide, oskar mukapati longqisini égiz kötürgen kaméron hayajanlanghan halda özige yardem qilghan herbir kishige cheksiz rehmitini bildürgen. Mukapat tarqitish kéchilikidiki hemmeylen uning üchün gülduras alqish sadasi yangratqan. Kaméron sözining axirida"men dunyaning padishahi" dep küchlük waqirighan. Filimning qisqiche mezmuni töwendikiche: 1912-yili shimaliy atlantik okyangha chöküp ketken titanik namliq paraxottiki "okyan yüriki" namliq bibaha göherni izdesh üchün, ékispiditsiyechi bulok chöküp ketken paraxottin datliship ketken bixeterlik sanduqini tapidu. Kütülmigende, sanduqning ichidin bérlyant zenjir taqighan qizning sizma resimi tépilidu. Bu xewerni téléwizordin körgen 100 yashliq momay hayajanlanghinidin, bulokning qéshigha kélidu, bu apaq chachliq momay del resimdiki rowz dowsn. Yeni filimdiki ayal bash pérsunazh. Rowz shuning bilen 1912-yilidiki titanik paraxotidiki bolghan ehwallarni sözleshke bashlaydu. Filim chékinme bayan usulida yézilghan bolup, 100 yashliq rowzning 1912-yilidiki hékayisi bilen bashlinidu.
filimdiki er pérsunazh jék dowsn esli titanik namliq paraxotqa chiqish niyiti yoq idi. Peqet bir qétimliq qimarda titanik paraxotining bélitini utuwalghan. U paraxotning 3-bölümide turatti, rowz bolsa eng aliy qewitide idi. Rowzning ailisi aq söngeng bolup, apisi bilen ikkisila idi, dadisi ölüp ketkechke, mal mülki tügep qalghan. Peqet ularning aq söngek dégen namila qalghanidi. Rowzning bolghusi yoldishimu intayin bay idi. Lékin zowz uni yaxshi körmeytti. Apisining zorlishi we ailisining iqtisadiy ehwalining nacharlashqinigha qarap amalsiz bolghusi yoldishi bilen toylashmaqchi bolghan. u bir küni köngli yérim halda paraxotning eng uchida olturup,bipayan déngizgha nezer salmaqta idi. Buni jék tuyuqsiz körüp qélip, rowzni ölüwalmaqchi oxshaydu dep qélip, uni qutquzushqa barghan. Rowz éhtiyadsizliqtin paraxottin chüshüp kétishke tas qalidu, jék uni qutquziwalidu. Bu ularning tunji qétim körüshishi idi. Jékning resim sizish qabiliyiti intayin üstün bolup, rowzning resimlirini sizidu, paraxotta yoshurunche köp qétim körüshüp, bir-birini intayin yaxshi körüp qalidu, buni sézip qalghan rowzning bolghusi yoldishi jékqa ziyankeshlik qilip, uni solap qoyidu. Del mushu waqitta titanik shimaliy muz okyandiki muz taghqa urulup, paraxotqa su kirishke bashlaydu. Paraxottiki hemme kishi alaqzade bolup kétidu. Rowz jékni izdep, uni qutuldurup chiqidu. Paraxotning chöküshi téximu tézlishidu, bezi hayattin ümidini üzgen kishiler paraxotta tinchla ölüsh usulini tallaydu, beziler taki sugha gherq bolghuche muzika chélip, tebietning küchige bash égidu. Elwette köp qisim kishi hayat qélish üchün tirkishidu. Rowzning boghuz yoldishi bu waqitta rowzni oylapmu qoymay shexsiyetchilik qilip, ayallar we balilarni qutquzidighan qolwaqqa chiqip, qutulup qalidu. Paraxot chökük kétip hemmeylen nöldin töwen témpiratoriliq déngiz süyide qalidu. Nurghun kishiler qutquzush xadimliri kelgüche déngiz süyide tonglap ölüp kétidu. Jék su üstide leylep qalghan paraxotning ishikige rowzni chiqirip, özi suda turup, tonglap qalidu. Bu jeryandiki körünüshler tolimu tesirlik bolup, jékning rowzgha bolghan heqiqiy muhebbitin tesirlenmey turalmaysiz.
1983-yili bügünki künde, koriyening yoluchilar ayropilani sowit ittipaqining bashqurulidighan bombisi teripidin étip chüshürülgen, bu weqening siri hazirghiche échilmighan.
1974-yili bügünki künde, 7-nöwetlik asiya tenheriket yighini éranning paytexti téhranda ötküzülgen, 25 dölet we rayondin kelgen 2400 ge yéqin tenheriketchi 16 türlük musabiqige qatnashqan, junggo 33 altun médalgha ériship, altun médal sani jehette üchinchi orunda turghan. Yaponiye 74 altun médal bilen 1-orunda turghan.
1965-yili bügünki künde, shizang aptonum rayoni qurulghan.

 
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene