Bash bet>>Pen-téxnika
iPhone 6 de teminlesh ihtiyajni qanduralmasliq mesilisi mewjut
Tehrir:Méhrigül xudaberdi     Menbesi:Junggo uyghurche radiyo tori     Yollan'ghan waqit: 2014-12-16

 

amérika meblegh sélish orgini Piper Jaffray ning analizchisi Gene Munster yiqinda élan qilghan eng yéngi tekshürüsh doklatining netijiside körsitilishiche, alma shirkiti élan qilghan iPhone 6 we iPhone 6Plus qatarliqlarning bazargha sélinghinigha üch aydin ashqan bolsimu, biraq hilihem teminlesh ihtiyajni qanduralmaydighan halette turghan, héch bolmisa, amérikida shundaq iken.

tekshürüshtin ayan bolushiche, iPhone 6 we iPhone 6Plus qatarliqlarda teminlesh ihtiyajni qanduralmasliq meslisi mewjut bolup, neq mal bilen teminlesh nisbiti aran 56% etrapida iken. Aldinqi ayliq bazar ehwaligha qarita élip bérilghan tekshürüshning netijisimu yuqarqi bilen oxshash chiqqan, yeni aldinqi ayda iPhone 6 we iPhone 6Plus qatarliqlarning neq mal bilen teminlesh nisbiti 58% bolghan.
démek, ötken bir ay ichide, alma shirkiti yéngidin élan qilghan bu ikki xil ayfonning mal teminlesh mesilisi hel qilinmayla qalmastin, belki téximu éghirliship

ketken. Nisbeten éytqanda, alaqidar organlar ilgiri iPhone 6 we iPhone 6Plus ning neq mal bilen teminlesh nisbitining 80% ge yétidighanliqini aldin mölcherligen.

bu öz nöwitide kiler yili birinchi pesil ichide, yéngi ayfonning sétilish miqdarining dawamliq yaxshi bolidighanliqini, chünki, hazirqi basquchtiki ihtiyajning téxi qandurulup bolalmighanliqidin dérek béridiken. Buning tesiride, alma shirkitining kiler yili birinchi pesillik kirimi aldin mölcherlengen qimmettin 5% etapida éship kétidiken.

yéngi ayfonning mal bilen teminlesh nisbiti töwen bolush mesilisige qarita, nöwettiki ehwalda uninggha ihtiyajning yuqiri bolghanliqi yaki mal teminlesh iqtidarining töwen bolghanliqi sewebchi bolghanliqini éniq jezimleshtürüshke bolmaydiken, biraq, analizchilar aldinqi éhtimalliqni bir qeder yuqiri dep qarighan.




Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene