Bash bet>>Pen-téxnika
Massisi eng chong, eng yoruq asman jismi bayqaldi
Tehrir:Osmanjan yüsüp     Menbesi:Junggo uyghurche radiyo tori     Yollan'ghan waqit: 2015-03-05

 

junggo uyghurche radiyo tori 5-mart béyjing xewiri:

béyjing uniwérsitéti alimliri alemdiki deslepki qara öngkürde massisi eng chong, eng yoruq asman jismini bayqidi, bu tetqiqat netijisi yéqinda xelqaralida aldinqi qatarda turidighan ilmiy zhurnal "tebiet"de élan qilindi.

3-mart chüshtin burun, béyjing uniwérsitéti kewli astronomiye we asman jisimliri fizikisi tetqiqatxanisi axbarat élan qilish yighini ötküzdi. Tetqiqatxanining muawin bashliqi wu shöbing tonushturup mundaq dédi: men rehberlik qilghan tetqiqat etriti yersharidin 12 milyard 800 milyon nur yili yiraqliqtiki merkez qara öngkür massisi quyash massisining 12 milyard hessisige toghra kélidighan alahide yoruq asman jismini bayqidi.

bu mushu türkümdiki asman jismining alem partlap 900 milyon yildin kéyin shekillengenlikidin dérek béridu, uning hejmining qanchilik chongluqini hazir bar qara öngkür, turghun yultuz we yultuzlar sistémisi özgirish nezeriyesi bilen chüshendürüp bérishke ilaj yoq.

wu shöbing tonushturup mundaq dédi: bu asman jismi némige teng kélidu dégende, yüz yashliq ademning alte yash waqtidiki halitige teng kélidu. Shuning üchün bu bir kichik bala. Biraq bu qara öngkür quyash massisining 21 milyard hessisige toghra kélidu, démek, alte yashliq balining éghirliqi nechche yüz kilogram kélidu dégen gep.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene