Bash bet>>Pen-téxnika>>Keshpiyat we yéngi bayqashlar
Soniy 2015-yili barliq otturahal yanfonlirigha sudin mudapielinish iqtidarini qoshidu
Tehrir:Zöhre muxter     Menbesi:Nur tori     Yollan'ghan waqit: 2014-08-28

soniy shirkiti Xperia M2 Aqua yanfonini élan qilghan waqitta, u tunji qétim IP65 we IP68 derijisidiki qoghdinish iqtidarigha ige yanfon yasap chiqqan karxanigha aylinip qalghan, bu xil qoghdinish iqtidari qoshulghan yanfonlar chang-tozandin saqlinip qalmastin, biwaste sugha tegse yaki su astida 30 minut tursimu héchqandaq tesirge uchrimaydu.

kespi sahediki mutexesislerning éytishiche, otturahal seplimilik yanfonlirigha sudin mudapielinish iqtidarini qoshush soniy shirkitining kelgüsidiki asasliq tereqqiyat sitratigiyisige aylinidiken. Yuqarda tilgha élinghan Xperia M2 Aqua yanfonigha IP68 derijisidiki sudin mudapielinish iqtidari qoshulghan, bu yanfongha 4.8 diyumluq éniqliq derijisidiki qHD ikran, chastotisi 1.2GHz ge yétidighan kuwalkom 400 tipliq töt yadroluq bir terep qilghuch, sekkiz milyon piksilliq kaméra seplengen, sétish bahasi 330 amérika dolliri etrapida bolidiken.

bundin bashqa, soniy élan qilghan Xperia Z2 namliq bayraqdar yanfonghimu sudin mudapielinish iqtidari qoshulghan, "éléktiron waqit géziti" élan qilghan eng yéngi xewerde diyilishiche, 2015-yiligha barghanda, sudin mudapielinish iqtidari muhim iqtidar süpitide soniy shirkitining barliq otturahal seplimilik yanfonlirigha seplinidiken.

igellinishiche, soniy shirkiti nöwette teywendiki fushikang qatarliq hemkarlashquchi tereplerdin sudin mudapielinish iqtidarigha ige yasashni telep qilghan, soniy shirkitidin bashqa, samsung,HTC, liyenshiyang w kupey qatarliqlarmu otturahal seplimilik yanfonlirigha sudin mudapielinish iqtidarini qoshushni oylishiwatqan iken.

mutexesislerning mölcherlishiche, kelgüside sudin mudapielinish iqtidarigha ige yanfonlarning eqliy iqtidarliq yanfonlarning omumiy mal chiqirish miqdari ichide igelligen nisbiti 30% etrapida yuqiri kötürülidiken, sudin mudapielinish iqtidarigha ige yanfonlarni yasap chiqish riqabiti ewj alsa, buningdin eng biwaste menpeetlinidighini yenila shu istémalchilardur.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene