Bash bet>>Pen-téxnika>>Pen Téxnika Uchurliri
4G ning karamiti qanchilik?
Tehrir:Pezilet arslan     Menbesi:Tengritagh uyghurche tori     Yollan'ghan waqit: 2014-07-09
 
 
sanaet we uchurlashturush ministirliqi 2013 – yili 4 – dékabir junggo köchme xewerlishishi, junggo birleshme xewerlishishi we junggo télégrafi shirketlirige 4G ijazet guwahnamisi berdi, buning bilen élimiz 4G dewrige qedem qoydi. Shinjang köchme xewerlishish shirkiti 10 – dékabir 4G torini échish murasimi ötküzüp, 2014 – yilning axirighiche aptonom rayonimizdiki barliq nahiye, sheher, tüen – meydan, 5A derijilik sayahet menzilgahlirini 4G tori bilen qaplap bolidighanliqini jakarlidi.

  4G déginimiz zadi nime? 4G — inglizche ‹‹4 – ewlad köchme alaqilishish téxnikisi›› dégen sözning qisqartilmisi. Hazir4G ning xelqara télégraf birleshmisi étirap qilghan besh xil ölchimi bar, ular WiMax,+HSPA, LTE, Advanced– LTE we Advanced–WirelessMANlardin ibaret. Bulardin LTE ölchimining LTE–TD we LTE–FDD din ibaret ikki shekli bar. Bu nöwet sanaet we uchurlashturush ministirliqi üch télégraf shirkitige élimiz musteqil bilim mülük hoquqigha ige LTE–TD ölchimidiki 4G ijazet guwahnamisini berdi. Bundaq 4G torining eng yuqiri chüshürüsh süriti Mbps100 (her sékuntta 12.5 mégabaytliq höjjetni chüshüreleydu)qa, eng yuqiri yollash süriti Mbps50 qa yétidu. Bundaq sürette süpiti yuqiri bir Mp3 naxshini(7 mégabayt chongluqta) chüshürüshke bir sékuntmu ketmeydu. Yan téléfonda tordiki sin höjjetni chekken haman, saqlatmayla qoyulushqa bashlaydu. Kochida kétiwatqan saqchi aptomobilidiki télékaméra tartiwatqan sin körünüshini saqchi ishxanisida bir sékuntmu kéchiktürmey udulluq körgili bolidu... 

  Elwette, yuqiriqilar nezeriye jehettiki imkaniyetlerdin ibaret. ‹‹xelq géziti›› muxbirining bir ay waqit ajritip béyjing shehiride sinash arqiliq hés qilishiche, 4G torining emeliyettiki süriti nezeriye tézlikige hergizmu yételmeydiken. Muxbir sinighanda, chüshürüsh süriti eng yuqiri bolghanda Mbps44 45. Qa chiqalighan, otturiche chüshürüsh süriti Mbps25 bolghan. Signal ajiz jaylarda chüshürüsh süritiMbps6 qa, yeni birleshme xewerlishish shirkitining hazirqi G3 torining sewiyesige chüshüp qalghan. 

 Démek, 4G torining heqiqiy karamitini körsitishige melum jeryan kétidu. Köchme alaqe torining alahidilikidin qarighanda, signal tarqitidighan asasiy ponkit qanche köp bolsa, signal shunche küchlük bolidu. Yeni, asasiy ponkit yéterlik derijide köp qurulup, signal küchlüklüki kapaletke ige bolghandila, andin 4G torining ‹‹téz››likining huzurini sürgili bolidu.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene