Bash bet>>Pen-téxnika>>Pen Téxnika Uchurliri
iPhone6 yaponiyediki amazon tor békitide ashkarilandi
Tehrir:Arapat hüsenjan     Menbesi:Nur tori     Yollan'ghan waqit: 2014-07-15

 

eng yéngi uchurlargha asaslanghanda, alma shirkiti bu yil küzde yéngi bir ewlad ayfon-- iPhone6 ni élan qilidu, hazir, yéngi ayfonning meydangha kélish waqti yétip kilishige egiship, u heqte tarqalghan xewerler intérnét dunyasidiki qizziq nuqtigha aylinip qiliwatidu. iPhone6 ning resimliri we uninggha ait widiolar nahayiti köp ashkarilanghan bolsimu, emma uning qattiq détal seplimisi hazirche éniq emes, elwette, ashkarilanghan resimlerdin kishiler iPhone 6 ning sheklini asasiy jehettin tonuwalghudek sewiyege yétip boldi.

yéqinda melum bir tordash iPhone 6 ning yaponiyediki amazon tor békitige chiqirilghanliqini bayqighan, mezkur tor békette teminlengen uchurlargha asaslanghanda, iPhone 6 ge xewerlerge éytilghangha oxshash 4.7 diyumluq ékran seplinidighan bolup, éghirliqi 113 giram bolidiken, shundaqla 130mm×65mm×7mm ölchimide yasalghan iken. Eger rastinla mushundaq bolsa, undaqta iPhone 5s bilen sélishturghanda, iPhone 6 ning ékrani chongaytilghan bolsimu, biraq, éghirliqi ashmighan, belki téximu népizlitilgen.

yanfon gewdisidin bashqa, uchurda yene iPhone 6 ning 9-ayning 30-künidin bashlap sétilishqa bashlaydighanliqimu tilgha élinghan bolup, bu yéngi bir ewlad ayfonning 9-ayda otturigha chiqidighanliqini yene bir qétim ispatlap bergen. Yaponiyediki amazon tor békiti yene, 64GB liq nusxidiki iPhone 6 ning bahasining 139999 yaponiye yéni bolidighanliqinimu (xelq puligha sundurghanda 8573 yüen) éniq körsitip bergen, biraq, alma shirkitining enenisi boyiche éytqanda, bu baha sel yuqiri bolup hésablinidiken.

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene