Bash bet>>Pen-téxnika>>Pen Téxnika Uchurliri
5-ayda alma iPhone 5s yanfoni eng bazarliq yanfon bolup qaldi
Tehrir:Zöhre muxter     Menbesi:Nur tori     Yollan'ghan waqit: 2014-07-16

shiyanggang bazar tekshürüsh tetqiq qilish orgini-Counterpoint ning yéqinda élan qilghan 2014-yili 5-ayliq pütün yer shari boyiche eqliy iqtidarliq yanfon sétilish miqdari ret tertipi sanliq melumatigha qarighanda, 5-ayda alma shirkitining iPhone 5s yanfoni yenila pütün yer shari boyiche eng bazarliq yanfon bolup qalghan. Alma shirkitining bu yanfoni 2013-yili bazargha sélinghan ‹kona yanfon› bolsimu, lékin yanfon sétilish miqdari ret tertipide yenila 1-orunni igelligen bolup, lékin bu yil 4-ayda bazargha sélinghan samsung Galaxy S5 yanfoni bolsa sétilish jehette 2-orunda turghan. Lékin samsung shirkitining bashqa yanfonlirining sétilish miqdari Counterpoint élan qilghan eqliy iqtidarliq yanfonlar sétilish miqdari ret tertipide xéli zor salmaqni igelligen bolup, samsung Galaxy S4 yanfoni 3-orunda, samsung Galaxy Note 3 yanfoni 4-orunda, samsung Galaxy S4 mini yanfoni 8-orunda, samsung Galaxy Grand 2 yanfoni bolsa 10-orunda turghan. Alma shirkitining iPhone 5c yanfoni bilen iPhone 4s yanfoni bolsa bu qétimliq yanfonlar sétilish ret tertipide 5-orunda we 6-orunda turghan.

ademni heyran qalduridighini shuki, bu qétimliq pütün yer shari eqliy iqtidarliq yanfonlar sétilish ret tertipide, junggoning eqliy iqtidarliq markisi- shiyawmi yanfonliridin ikki xil yanfon aldinqi on eng bazar tapqan yanfonlar qataridin orun alghan. Bu ikki yanfon mehsulati ichide shiyawmi 3 yanfoni 7-orunda, xungmiy yanfoni 9-orunda turghan.
bashqa yanfonlar ichide, soniy Xperia Z1 yanfoni, motorola Moto G yanfoni, xuawéy rungyaw 3C yanfoni, LG G2 yanfoni qatarliq yanfon mehsulatliri pütün yer shari eqliy iqtidarliq yanfonlar sétilish ret tertipide aldinqi 20 yanfon ichige kirgeniken.

Counterpoint élan qilghan pütün yer shari eqliy iqtidarliq yanfon sétilish miqdari ret tertipining sanliq melumatliri dunyadiki 35 tin artuq dölet we rayonlardin toplanghan bolup, uning üstige bu sanliq melumat yanfon mal chiqirish miqdaridin emes belki yanfon sétilish miqdaridin élinghan bolghachqa, bu qétimqi sanliq melumatlarning ishenchlik derijisi we paydilinish qimmiti téximu yuqiri iken.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene