Bash bet>>Pen-téxnika>>Pen Téxnika Uchurliri
Ayropilanda torgha chiqish uchush bixeterlikige tesir yetküzemdu?
Tehrir:Pezilet arslan     Menbesi:Tangritagh uyghurche tori     Yollan'ghan waqit: 2014-08-15
 

    

bu yil 4 – ayning 16 – küni béyjingdin chéngdugha uchqan dölet awiyatsiyesi CA4116 qétimliq yoluchilar ayropilani bilen uninggha qarshi yönilishte uchqan CA4109 qétimliq yoluchilar ayropilanidiki tunji türküm teleylik yoluchilar 10 ming métir égizliktiki boshluqta torgha chiqish imtiyazidin behrimen boldi. Ayropilangha chiqip baqqan yoluchilargha melumki ayropilanda yan téléfon échishqa yol qoyulmaydu, taxta kompyutér we xatire kompyutérlarni peqet ayropilan muqim uchuwatqan chaghdila ishletkili bolidu. Undaqta ayropilanda torgha chiqsa uchush bixeterlikige tesir yétemdu – yoq?

köp yilliq tetqiqatlardin melum bolushiche, yan téléfonning xizmet chastotisi bilen ayropilan üskünilirining xizmet chastotisi yéqinliship qalidighan bolghachqa, yan téléfon radiyatsiyesining ayropilanning uchush bixeterlikige qarita yoshurun xewpi bolidu. Emma bashqa éléktironluq üsküniler, mesilen: alma taxta kompyutéri qatarliq köchme intérnét tor üsküniliri ishlewatqan chaghda chiqiridighan éléktirmagnit signalliri ayropilanning bixeter uchishigha eks tesir peyda qilmaydu. Emeliyette torgha chiqish iqtidarigha ige yan téléfonning sözlishish iqtidari étiwétilgen ehwalda bashqa köchme tor üsküniliridin héchqanche perqi bolmaydu. Mesile shu yerdiki yan téléfon arqiliq torgha chiqqan chaghda ayropilan xadimliri yan téléfonning köchme xewerlishish signali tarqitidighan yaki tarqatmaydighanliqigha, emeliy nazaret qilish üskünilirige kashila qilidighan yaki qilmaydighanliqigha höküm qilishqa amalsiz qalidu. Bumu nöwette yan téléfongha qarita cheklesh buyruqini bikar qilishqa bolmasliqining sewebidur. Biraq hazir xelq awiyatsiye kespide yéngi téxnikiliq hel qilish layihesi otturigha qoyulushqa bashlidi, yeni ayropilangha köchme xewerlishish términali ornitip biwasite alaqe süniy hemrahi bilen ulaydu, andin muwapiq tosquchi üsküne arqiliq yan téléfonning peqet ayropilangha ornitilghan köchme xewerlishish términali bilenla ulinishigha yol qoyulup, yan téléfon küchlük radiyatsiyesining ayropilan üskünilirige paydisiz tesir körsitishidin saqlanghili bolidu. Shuninggha ishinish kérekki kelgüside ayropilanda yan téléfon ishlitish torgha chiqishqa oxshash addiyliship kétidu.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene