Bash bet>>Pen-téxnika>>Pen Téxnika Uchurliri
Qaysi yanfon karxanisining andiroyid sistémisini yéngilash süriti eng téz?
Tehrir:Zöhre muxter     Menbesi:Nur tori     Yollan'ghan waqit: 2014-08-22

motorola, samsung, LG We HTC qatarliqlarning qaysisining andiroyid sistémisini yéngilash süriti téz?

cheteldiki taratqular yéqinda maqale élan qilip, herqaysi chong andiroyid yanfoni yasaydighan karxanilarning amérika rayoni boyiche sistéma yéngilash süritini sélishturup chiqqan. Netijide körsitilishiche, motorola shirkiti bu jehette birinchi orunda turghan, uningdin kéyin turghini HTC bolghan.

buninggha alaqidar tetqiqat türi 2013-yili 10-ayning 31-küni élan qilinghan andiroyid 4.4 KitKat (shakilat) ni misal qilghan, yanfon karxaniliri we xewerlishish shirketliri otturigha chiqarghan kona nusxidiki andiroyid yanfonlirining sistéma yéngilash waqti öz-ara sélishturulghan.

yéngilash boliqini tapshuruwélish waqti eng qisqa bolghini elwette Nexus türidiki mehsulatlardur, esli halettiki sistéma qachilanghanliqi we tunji türkümde sistéma yéngilash imtiyazigha ige bolghachqa, Nexus yanfonliri peqet 14 kün waqit ichidila KitKat ge yéngilanghan. Bashqa yanfonlarning yéngilinish süriti uninggha qachilanghan sistémining özgertilish derijisige baghliq iken.

motorola yanfonlirining sistéma ara yüzi esli halettiki andiroyid sistémisigha yéqin kélidighan bolghachqa, sistéma yéngilash jehette ewzellikke ige, motorola Moto X yanfoni 19 kün waqit ichide KitKat ge yéngilanghan, bu jehette Nexus din peqet besh kün kéyin turghan.

HTC ning sistéma yéngilishigha bir ay waqit ketken. Igellinishiche, bu shirket sistémining yéngilinish süritige alahide ehmiyet béridighan bolup, Android L sistémisi élan qilinip 90 kün ichide M7 we M8 qatarliq yanfonlirining sistémisini yéngilash heqqide wede bergen, shundaqla bayraqdar derijisidiki yanfoni élan qilinghandin kéyin, ikki yilghiche sistéma yéngilash mulazimiti bilen teminleydighanliqini bildürgen.

samsung yanfonlirining ara yüzi murekkep bolghanliqtin, uning yéngi sistémigha yéngilash waqti bir qeder uzun, igellinishiche, Galaxy S4 yanfoni élan qilinip 3.7 aydin kéyin andin KitKat ge yéngilanghan.

samsung yanfonlirigha qachilanghan sistéma ara yüzi bir qeder murekkep bolup, sistémining qurulmisi téz sürette yéngilashqa tesir körsitidiken. Mundaqche éytqanda, samsung esli halettiki andiroyid sistémisining herbir kichik böleklirigiche özgertish kirgüzgen, gugél mulazimet türliri bilen oxshash bolghan bir qatar eplirini qachiliwetken, emeliyette bu eplerni abontlar anche ishlitip ketmeydu.

LG shirkiti sistéma yéngilash süriti jehette hemmining arqida turidu, uning G2  Namliq bayraqdar yanfonining KitKat sistémisigha yéngilinishigha toptoghra 4.6 ay waqit ketken. Bundaq bolushidiki konkirit sewebler samsungningki bilen oxshap qalidu.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene