Bash bet>>Pen-téxnika>>Pen Téxnika Uchurliri
iPhone 6 élan qilinishqa az qaldi, qolingizdikiiPhone 5s ni qandaq bir terep qilay deysiz?
Tehrir:Zöhre muxter     Menbesi:Nur tori     Yollan'ghan waqit: 2014-08-28

yéngi bir ewlad ayfonning élan qilinishigha azla waqit qaldi, qolingizdiki kona ayfonni qandaq bir terep qilay dewatisiz?

CNN tor békiti seyshenbe küni élan qilghan bir parche maqalide diyilishiche, yéngi bir ewlad ayfonning élan qilinishini töt közi bilen kütüwatqan alma mestaniliri hazirdin bashlap qolidiki kona ayfonni bir terep qilishni bashlisa bolidiken.

maqalide diyilishiche, alma shirkiti her qétim yéngi bir ewlad ayfonni élan qilishtin burun, kona nusxidiki nimkesh ayfonlarning sétilish bahasi zor derijide töwenlesh ehwali körülidiken. Alma shirkiti pilan boyiche 9-ayning 9-küni yéngi bir ewlad ayfon (iPhone 6) ni élan qilidighan bolup, buninggha yene ikki hepte waqit qaldi.

dangliq nimkesh éléktiron buyumliri soda supisi bolghan Gazelle tor békiti élan qilghan sanliq melumatlarda körsitilishiche, alma shirkiti yéngi bir ewlad ayfonni élan qilishning aldi-keynide, kona nusxidiki ayfonning sétilish bahasi 20% töwenleydiken.

igellinishiche, amérikidiki sitémalchilarning qolidiki 16GB liq iPhone 5s ni nimkesh bazarda sétish bahasi yuqiri bolghanda 290 dollargha chiqqan, biraq, axirqi pütüshüsh bahasining qanche bolushi ayfonning qaysi xewerlishish shirkitining torini qollaydighanliqigha baghliq iken.

Gazelle tor békiti bundin ilgiri uqturush élan qilip, hazirdin bashlap 9-ayning 9-künigiche bolghan mezgilde, abontlar eger qolidiki iPhone 5s ni sétishni xalisa, undaqta mezkur tor béket arqiliq bahalitish élip barsa bolidiken, abontlar iPhone 6 ni qoligha alghandin kiyin, andin qolidiki kona iPhone 5s ni tapshurup berse bolidiken. iPhone 5s abontlirining qolidiki ayfonni sétishqa righbetlendürüsh yüzisidin, Gazelle tor békiti yiqinda yene yuqiri bahada yighiwilish paaliyiti élip barghan bolup, süpiti yaxshi bolghan iPhone 5s ni eng yuqiri bolghanda 350 dollardin sétiwalidiken.

nöwette kespi sahedikilerning hemmisi ortaq halda, alma shirkiti 9-ayning 9-küni 4.7 diyumluq ikran seplengen iPhone 6 ni otturigha chiqiridu dep qarashmaqta, halbuki, 5.5 diyumluq nusxidiki chong ikranliq iPhone 6 ning qachan élan qilinidighanliqi hazirche namelum. Igellinishiche, alma shirkiti yil axiridin burun 80 milyondin artuq iPhone 6 ishlepchiqirishni pilanlighan, bu 4.7 we 5.5 diyumluq ikki xil nusxidiki ayfonni öz ichige alidiken.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene