Bash bet>>Pen-téxnika>>Pen Téxnika Uchurliri
LG shirkiti musteqil yasap chiqqan bir terep qilghuch ishlitilgen yanfon 10-aylarda bazargha sélinidiken
Tehrir:Abduxaliq emet     Menbesi:Junggo uyghurche radiyo tori     Yollan'ghan waqit: 2014-09-24

 

bir terep qilghuch eqliy iqtidarliq yanfonlarning "yüriki". Nöwette alma we samsung qatarliq yanfon karxaniliri öz aldigha bir terep qilghuch layihelesh iqtidarige ige. Eng yéngi uchurgha qarighanda, koriyediki yene bir dangliq éléktiron shirkiti bolghan LG mu nöwette bu "kulub" qa qoshulush aldida turuwatqan bolup, LG shirkiti özi musteqil yasap chiqqan bir terep qilghuch ishlitilgen tunji yanfon 10-aylarda bazargha sélinidiken.
igellinishiche, LG shirkiti bu bir terep qilghuchni 5.9 diyumluq chong ékranliq yanfonigha ishlitishni pilanlighan bolup, bu yanfon baldur bolghanda 10-aylarda bazargha kiridiken, kéchikkendimu yil axiridin burun choqum bazargha sélinip bolidiken.

halbuki bu yanfongha seplinidighan LG bir terep qilghuning asas chastotisi, yadro sani, quwwiti qatarliq paramétirlar hazirche éniq emes iken.

 Koriye taratqulirining déyishiche, LG shirkiti öz aldigha tetqiq qilip chiqqan bu bir terep qilghuchni özining G yaki GPro türidiki yanfonlargha ishlitidiken. Bezilerning déyishiche, LG shirkiti belkim pütünley yéngi ishlepchirish liniyesini ishqa kirishtüridighan bolup, bu yanfonlargha özining bir terep qilghuchisini ishlitidiken.

bundin ilgiriki xewerlerde déyilishiche, LG shirkiti öz aldigha tetqiq qilip chiqqan bir terep qilghuchqa "Odin" dep isim qoyulidighan bolup, ARM özekche qurulmisi ishlitilidiken.

undin bashqa, bir terep qilghuchisining yadro sani ikki yaki töt dane bolidiken, 28 nanométirliq ishlepchiqirish hüner-seniti qollinilidiken. Yene bezi uchurlargha qarighanda, LG shirkiti alliqachan dunyadiki eng chong yérim ötküzgüch ishlepchiqirish zawuti bolghan teyji éléktironigha bu yéngi özekchini wekaliten ishlepchiqirish kélishim hasil qilghan.

analizchilarning déyishiche, özi tetqiq qilip chiqqan bir terep qilghuchni bazargha sélish ishigha kelgende, LG shirkiti bir qeder éhtiyatchan muamilide bolup, buni töwen yaki otturahal seplimilik yanfonlarda aldin bilen sinaq qilishi mumkin iken, iqtidari muqimlashqandin kéyin, andin yuqiri seplimilik bayraqdar yanfonlirigha sepleydiken.

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene