Bash bet>>Pen-téxnika>>Pen Téxnika Uchurliri
Almining pay bahasi 3.8% chüshti
Tehrir:Zöhre muxter     Menbesi:Nur tori     Yollan'ghan waqit: 2014-09-28

chet el taratqulirining xewirige qarighanda, alma bir qanche kün burun iOS 8 ni yingilashta kashla chiqqanliqtin uchuq ashkara kechürüm sorighan, peyshenbe küni(25-séntebir)bazar échilghandin kéyin almining pay bahasi 3.8% chüshken, bazar qimmiti 23 milyard dollardin artuq parlinip ketken. Bu qétim almning pay bahasining chüshüp kétishi amérika paylirigha omumyüzlük chüshüp kétish awarichiliqi élip keldi. Peyshenbe amérikidiki üch chong pay körsetküch hemmisila chüshüp ketti, dow jonis sanaet körsetküchi 264 nuqta chüshüp, chüshüsh nisbiti 1.5% ke yetti, nasdak unwérsal körsetküchi 88.47 nuqta chüshüp, chüshüsh nisbiti 1.94% ke yetti, ölchemlik por 500 körsetküchi 32.31 nuqta chüshüp, chüshüsh nisbiti 1.62% ke yetti.

almining pay bahasi 3.8% chüshüp, ölchemlik por 500 terkibidiki chüshüsh nisbiti eng chong pay chékining birige aylandi. Almidin bashqa, wal kochisidiki bashqa pen-téxnika paylirimu oxshimighan derijide chüshken, mikrosoftning pay bahasi 2.2% chüshken, intélning 1.7% chüshken.

alma pay bahasining chüshüp kétishini asasliqi yéqinda tarqalghan selbiy xewerler keltürüp chiqarghan. Bu shirket yéqinqi yillarda élan qilghan eng yéngi iPhone 6 we iPhone 6 Plus eqiliy iqtidarliq yanfoni, köchme meshghulati sistémisi iOS 8.0.1 nimu aboninétlargha tewsiye qilghan. Emma sistéma yéngilanghandin kéyin köpligen aboninétlarning yanfonida téléfon qobul qilalmasliq yaki téléfon uralmasliq kélip chiqqan, alma amalsiz uchuq ashkara kechürüm sorighan, ékran téximu chong, qélinliqi téximu népiz bolghan iPhone 6 we iPhone 6 Plus larmu ongushsizliqqa uchrighan, bezi abonéntlar bu nusxidiki yanfonni yanjuqqa salghandin kéyin shekli özgirep kétidiken dep aghringhan.

biraq analizchilar omumyüzlük halda alma shirkiti bu qiyinchiliqlarni yéngip kiteleydu, paychéki bahasi yene uzungha qalmay eslige qaytidu dep qarighan.

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene