Bash bet>>Pen-téxnika>>Yéngi Mehsulatlar
LG G3 sétilish miqdari 10 milyondin ashqan tunji LG yanfonigha aylanmaqchi
Tehrir:Zöhre muxter     Menbesi:Nur tori     Yollan'ghan waqit: 2014-08-28

eng yéngi xewerlerde diyilishiche, LG G3 yanfoni sétish jehette rékort yaratqan bolup, sétilish miqdari 10 milyondin ashidighan tunji LG yanfoni bolup qalghan.

LG shirkiti bu yil 5-ayda öz bayriqi astidiki G3 namliq bayraqdar derijilik eqliy iqtidarliq yanfonini élan qilghan, bu yanfon aldi bilen koriyede bazargha sélinghan, arqidin pütün yershari miqyasigha kéngeytilgen, hazir bu yanfon nurghunlighan döletlerde sétilishqa bashlighan, xushallinarliq yéri, nöwette bu yanfonning sétilish miqdari 10 milyonluq chong ötkelni bösüp ötüsh aldida turmaqta.

The Korea Times teminligen yéngi uchurgha asaslanghanda, LG shirkiti yiqinda bayanat élan qilip, LG G3 yanfonining 10 milyonluq chong ötkelni bösüp ötüsh aldida turuwatqanliqini jakarlighan, ularning diyishiche LG G3 yanfoni sétilish miqdari 10 milyon danidin ashqan tunji LG yanfoni bolup qalidiken. LG terep G3 yanfonining sétilish miqdarining qaysi waqitta 10 milyondin ashidighanliqini tilgha almighan bolsimu, biraq, hazirqi ehwaldin qarighanda buninggha köp waqit qalmighan bolushi mumkin iken.

G3 yanfoni bazargha sélinghandin kiyin, LG shirkitining bu yil 2-pesillik yanfon sétish miqdari 14 milyon 500 mingdin éship, tarixtiki yéngi rékortni qolgha keltürgen, undin bashqa, LG shirkiti téxi yiqindila G3 s / Beat we G3 Stylus namliq ikki xil erzan bahaliq yanfonni élan qilghan.

yuqiri seplimilik bayraqdar yanfon bolush süpiti bilen, LG G3 kishilerni özige heqiqiy jelip qilalighudek nurghunlighan iqtidarlarni özide hazirlighan, buning ichide, 2K éniqliq derijisidiki ikran, lazir nurluq aptomatik fukus toghurlash iqtidarigha ige bolghan 13 milyon piksilliq kaméra, qol ishariti arqiliq öz-özini resimge tartqili bolidighan aldi yüzi kamérasi, chastotisi 2.5GHz ge yétidighan kuwalkom Snapdragon 801 tipliq bir terep qilghuch we 3GB liq ichki saqlighuch qatarliq bir qatar ilghar seplimiler bar.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene