Bash bet>>Pen-téxnika>>Yéngi Mehsulatlar
Sighimi chong litiy we günggürtlik batariye meydangha keldi
Tehrir:Zöhre muxter     Menbesi:Nur tori     Yollan'ghan waqit: 2014-09-24

litiyliq batariye alliqachan turmushimizning ayrilmas bir qismigha aylandi, her birimizning yanfoni, taxta kompiyotéri, eqliy iqtidarliq saiti qatarliq köchme üskünilerning hemmisige litiyliq batariye seplengen. Hazirqi téxnika sewiyiside , litiyliq batariye alliqachan yéngi téxnikining qedimige maslishalmay qaldi, uni yenimu yaxshilap yuqiri ünümlük batariyini meydangha chiqirish mumkin bolmay qaldi.  Biraq, yéqinda cheteldiki dangliq ilmi zhornal Nano Letters gha bir parche ilmi maqale bésilghan bolup, maqalide diyilishiche, litiy we günggürtlük batariyide bösüsh xarektirlik ilgirlesh bolghan. Bu téxnikini qollanghan batariyning tok saqlash sighimi eneniwi litiyliq batariyning sighimidin 5-8 hessigiche ziyade bolghan.

litiy we günggürtlik batariye tetqiqatchiliri litiyliq batariye ichidiki métal oksidining ornigha téximu yenggil bolghan solfid matiriyalini ishletken, bu téxnikini qollanghanda batariyning tok saqlash sighimi zor derijide ashqan, emeliyette yéqinqi bir qétimliq sinaqta, junggodin kelgen bir tetqiqat guruppisi alliqachan muwppiqiyetlik halda litiy we günggürütlik batariyini tetqiq qilip chiqqan. Bu batariye 600 qétimliq zeretlesh siniqi jeryanida her bir giram éghirliqning tok saqlash miqdari  630milliampirgha yetken. Eneniwi litiyliq batariyining her giram éghirliqning tok saqlash miqdari 200 milliampir iken.

bu netije yene shuni chüshendüriduki, bu téxnika litiy we günggürütlük batariyining eslidiki tok qéchish mesilisini hel qilghanliqini chüshendüridu. Ilgiri litiy we günggürütlik batariyning tok saqlash iqtidari gerche yuqiri bolsimu biraq, tok qéchish ehwali éghir bolup emeli téxnikida ishlitishke bolmighan. Eger bu xil yéngi téxnika köchme üskünilerde qollinishqa kéngeytilse, u halda nöwetiki15 giram éghirliqtiki 3200 milliampirliq batariyining sighimi 9500 milliampirgha yetküzülgen bolatti. U halda bu ademni tolimu hayajangha salidighan ish bolghan bolatti.

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene