Bash bet>>Pen-téxnika>>Yéngi Mehsulatlar
Qara böljürgen Passport yanfoni resmiy élan qilindi
Tehrir:Zöhre muxter     Menbesi:Nur tori     Yollan'ghan waqit: 2014-09-25

tünügün qara böljürgen shirkiti tashqi körünüshi özgiche bolghan eng yéngi eqliy iqtidarliq yanfoni-qara böljürgen Passport yanfonini resmiy élan qildi. Bu yéngi yanfon mehsulati eng deslipide shimaliy amérika, engiliye, firansiye we gérmaniyilerde élan qilinghan bolup, amérikidiki yanfon éstimalchiliri hazirdin bashlapla qara böljürgenning yanfon sétish tor békiti-ShopBlackBerry.com din we amazon toridin bu yanfonni sétiwalalaydiken, amérikidiki eng chong yanfon tijaretchisi-AT&T mu qara böljürgen Passport yanfonini eng deslepte sétish ijazitige érishken bolsimu, lékin bu yanfonning qachan sétilidighanliqi téxi békitilmigen.
qara böljürgen Passport yanfonigha 4.5 diyumluq kiwadrat shekillik ékran seplengen bolup, pütün yanfonning tashqi shekli qarimaqqa bir tal pasportqila oxshaydu. Shunglashqa yanfonning kunupka taxtisi yanfon gewdisining asti qismidiki tar orungha orunlashturulghan bolup, qara böljürgenning bu xil özgiche yanfon layihisi heqiqeten kishining diqqitini özige jelp qilidu. Bu xil yanfon layihisi öz nöwitide yene chong ékranliq yanfonni yaxshi köridighan abontlarning yaxshi körüshige érisheleydu.

qara böljürgen Passport yanfoni ékranining sézimchanliqi 1440x1440 gha yetküzülgen bolup, bu yanfongha yene tok serpiyat miqdari 3450mAh bolghan batariye seplinilgen. Qara böljürgenning yéngi yanfonigha asasiy chastotisi 2.2GHz bolghan töt yadroluq bir terep qilghuch, 3GB liq ichki sighim boshluqi we 32GB liq yanfon sighim boshluqi seplengen, bu yanfongha yene 13 milyon péksilliq kamira we qara böljürgenning eng yéngi meshghulat séstimisi-BlackBerry10.3 seplengen bolup, yanfonning ichige yene yanfon Siri kartisigha oxshap qalidighan qara böljürgen yanfon yardemchisi orunlashturulghan.


 

  

 

 

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene