Bash bet>>Pen-téxnika>>Yéngi Mehsulatlar
Alma shirkiti "iPhone 6 ning igilip kétishi" ge inkas qayturdi
Tehrir:Zöhre muxter     Menbesi:Nur tori     Yollan'ghan waqit: 2014-09-26

alma shirkiti yéqinda tor dunyasida keng tarqalghan iPhone 6 Plus yanfonining yanchuqta turup igilip ketkenliki mesilisige resmiy türde inkas qayturghan bolup, ular sözide, yéngidin layihelengen ayfongha datlashmas polat we birikme métal ishlitilgen bolup, bésimgha berdashliq bérish iqtidarining ashurulghanliqi, shundaqla ayfongha yene "kespi sahediki eng qattiq eynek matiriyal" ishlitilgenlikini tilgha alghan.

alma shirkitining diyishiche, hazirgha qeder peqet toqquz abont ayfonining igilip ketkenlikini inkas qilghan, bu ehwalning hergizmu taratqular xewer qilghangha oxshash unche éghir emeslikini chüshendürüp béridiken. Alma shirkiti yene iPhone 6 we iPhone 6 Plus yanfonlirining chidamchanliq we bésimgha berdashliq bérish jehetlerde élip bérilghan herxil sinaqlardin muweppeqiyetlik ötkenlikini, normal ishlitish dawamida igilip kétish nisbitining intayin töwen ikenlikini tilgha alghan.

"bizning yéngi ayfonni layihelesh, matiriyal tallash we ishlepchiqirish qatarliq barliq xizmetlirimizning tüpki nishani uni hem chirayliq hem puxta qilip chiqish. iPhone 6 we iPhone 6 Plus yanfonlirigha eng inchike, eng nepis hüner-senet qollinilghan, yanfon gewdisining bir pütünlükke ige bolushigha alahide ehmiyet bérilgen, yuqiri derijidiki oksidlanghan aliyumin matiriyal seplengen bolghachqa, chidamchanliq derijisining nahayiti yuqiri. Bundin bashqa, biz uninggha yene datlashmas polat we birikme métal ishlitip, bésimgha berdashliq bérish küchini ashurduq, shundaqla biz yene uninggha nöwettiki eng qattiq bolghan eynek matiriyal ishlettuq. Buning hemmisi ayfonni chidamliq we puxta qilip yasap chiqish üchün. Uning üstige, bizning mehsulatimiz qattiq sinaqlardin ötken, mesilen, igish, bésish, burash qatarliq. iPhone 6 we iPhone 6 Plus yanfonliri bizning yuqiri süpetlik mehsulatlargha bolghan ihtiyaj we ölchimimizge tamamen uyghun kilidu, shundaqla kündilik turmushtiki herxil muhitlarda ishlitishke mas kélidu."

eger ishlitish usuli toghra bolsa, undaqta ayfonning igilip kétish nisbiti intayin töwen. Nöwette, iPhone 6 we iPhone 6 Plus yanfonlirining sétishni yolgha qoyghinigha alliqachan alte kün boldi, hazirghiche peqet toqquz neper istémalchi özining iPhone 6 Plus yanfonining igilip ketkenlikini inkas qildi. Alma shirkitining bashqa herqandaq mehsulatigha oxshash, istémalchilar mesile körülgende del waqtida alma shirkiti bilen alaqilishishi kirek.

iPhone 6 Plus ning igilip ketkenlikige ait xewer düshenbe künidin bashlap peyda bolghan, arqidin yene beziler "qol arqiliq iPhone 6 Plus ni igish sinaqliri" ning widiolirini yollighan. Taratqular bu ishqa intayin köngül bölgechke, ular emeliy ishlitish jeryanida iPhone 6 Plus ning igilip kétish nisbitining nahayiti töwen ikenlikini, asanliqche igilmeydighanliqini jezimleshtürgen. Gerche alma shirkiti izchil türde süküt qilip kelgen bolsimu, biraq, ular xizmetchilerge buyruq chüshürüp, igilip ketken ayfonni waqtida almashturup bérishni orunlashturghan.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene