Bash bet>>Tenterbiye>>tenterbiye cholpanliri
Liwérpol komandisi yaratqan yéngi rékortlar
Tehrir:Mehliya ibrahim     Menbesi:Junggo uyghurche radiyo tori     Yollan'ghan waqit: 2014-05-16

 

liwérpol komandisi yéqinda manchéstér sheher komandisini 2 ge qarshi 3 netije bilen yéngip, bu musabiqe pesllik ingland derijidin tashqirilar birleshmisining chémpiyoni bolushqa yene bir qedem yéqinlashti. Eger bu komanda kéyinki töt aylangha musabiqide ghelbe qilalisa, rojés bashchiliqidiki bu komanda ingland derjidin tashqirilar birleshmisi tarixidiki toqquzinchi qétimliq chémpiyonluqni qolgha keltüreleydu, bu hem kulublar tarixida körülüp baqmighan netije hésablinidu. Bu komandini engliye putbol tarixidiki eng muweppeqiyet qazanghan komandilarning biri, déyishke bolidu. Bu komanda mushu musabiqe peslide hazirghiche töwendikidek rékortlarni yaratqan:

1. Bu musabiqe peslide hazirghiche 93 top kirgüzüp, birinchi orunda turmaqta. Bu netije ingland derijidin tashqirilar birleshmisi tarixidiki eng yaxshi netije iken. Ilgiriki eng yaxshi netije 2008-2009-yilliq musabiqe peslide yaritilghan bolup, 77 top kirgüzüshtek netije barliqqa kelgen. Uningdin bashqa, bu komanda yene birleshme musabiqidiki yekke pesllik musabiqilerde top kirgüzüsh rékortini yéngilighan.

2. Bu pesillik musabiqilerdiki aldinqi yérim meydan musabiqilerde 56 top kirgüzgen, bu netijimu ingland derijidin tashqirilar birleshmisi tarixidiki aldinqi yérim meydan musabiqilerde eng köp top kirgüzüsh rékorti hésablinidiken. Ilgiri yekke pesillik musabiqilerdiki aldinqi yérim meydan musabiqilerde 45 top kirgüzüsh rékorti yaritilghaniken, yeni bu netijini arsénal komandisi 2002-2003-yilliq musabiqe peslide, manchéstér birleshme komandisi 2012-2013-yilliq musabiqe peslide yaratqaniken.

3.Manchéstér sheher komandisi bilen ötküzgen musabiqini qoshqanda, liwérpol komandisi hazirghiche 24 meydan musabiqining aldinqi meydan musabiqilirining hemmiside top kirgüzügen. Bumu ingland derijidin tashqirilar birleshmisidiki rékort hésablinidiken.

4. Liwérpol komandisining mahiri luyis albérto suaréz 34 aylanma musabiqide 29 top kirgüzgen, bu sanmu bu komanda tarixidiki yekke pesillik musabiqilerdiki eng köp top kirgüzüsh rékorti iken, ilgiri bu türdiki rékortini putbol cholpini robi ful yaratqan bolup, u 1995-1996-yilliq musabiqe peslide 28 top kirgüzgeniken.

5. Nöwette suaréz bilen situréch ingland derijidin tashqirilar birleshmisi tarixidiki köp top kirgüzgenler ichidiki aldinqi qatardiki mahirlar bolup, ilgiri birleshme musabiqe tarixida köp top kirgüzgenler ichidiki aldinqi qatardiki ikki mahir oxshash bir komandidin chiqqan ehwal körülüp baqmighaniken.

6.Liwérpol komandisi hazirghiche ötküzülgen 34 aylanma birleshme musabiqidiki anférd putbol meydanida ötküzülgen birleshme musabiqilerde 51 qétim top kirgüzgen, bu sanmu ingland derijidin tashqirilar birleshmisi tarixidiki yéngi rékort hésablinidiken.


Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene