Bash bet>>Tenterbiye>>süretlik tenterbiye xewerliri

Maywezir meshiqni eslige keltürüp 51-qétimliq jengge teyyarliq qiliwatamdu?

Tehrir:Osmanjan yüsüp     Menbesi:Shinjang tenterbiyesi tori     Yollan'ghan waqit: 2017-10-25

gerche bu P4P we PPV shahi 8-aydin kéyinki MMA ning cholpini maggrégorni meghlup qilishini özining eng axirqi jéngi dégen bolsimu, emma maywezir tünügün özining ijtimaiy alaqe wasitisida meshiq qiliwatqan resimini yollap, boks saheside zor ghulghula peyda qildi.

maywezir tiwittérda özining meshiq qiliwatqan süritidin nechchini yollighan, shuning bilen nurghun axbarat wastiliri uning 50 meydan musabiqini yéngip bolghandin kéyin, yene yéngishtek nishani barmikin dep perez qildi. U maggrégor bilen bolghan musabiqide iqtisadiy jehette zor muweppeqiyetke érishti, ikkisining tekrar musabiqisi axbarat wastiliri teripidin izchil qizghin muzakire qiliniwatidu. Maggrégor mestanilirigha "choqum yéngimen", azraqla tengshesh élip barsam maywezirni meghlup qilalaymen dédi. Maggrégor eger purset bolsa qayta musabiqigha chüshüshni xalaydu, emma maywezir uninggha qayta musabiqige chüshüsh pursiti bérermu?

hemmimiz maywezirning pulgha amraqliqini bilimiz, belkim u kishini razi qilidighan yuqiri sommiliq kirimge ige bolush üchün, maggrégor bilen qayta musabiqige chüshüshni oyliship béqishi mumkin. Maywezirge nisbeten boks sehnisige qaytip ibrinad golofkin bilen musabiqige chüshüsh eng chong tewekkülchilik, axirida maywezir TMZ tenterbiye qanilining ziyaritini qobul qilghanda golofkindin qorqmaydighanliqini éytti.
eger maywezir boks sehnisige qaytip maggrégor bilen tekrar musabiqigha chüshse kishiler heyran qalarmu? Belkim maywezir septin chékingendiki bikar yürüshtin bizar bolghanliqini mumkin, mana bu uning ikkinchi ailisige qaytishning sewebi: uning meshiq sariyi.

"ularning hemmisi qaytip kélidu!" péshqedem bokschilarning sözliri qulaq tüwide jaranglaydu, belkim maywezirningmu kari bolmay yürelmesliki mumkin.

belkim, maywezir hazir peqetla kishilerning diqqitini tartip, kishilerni ganggiritip qoyuwatidu. Belkim u peqet bir yürüsh boks kiyimi kiyip, chéniqishtin hozurliniwatqanliqi mumkin, emeliyette uning yéqindin buyan yollighan resimlirining héchqandaq alahidiliki yoq.

emma nurghun bokis mestaniliri maywezirning qaytip kélishige, qayta jengge chiqishigha ishinidu. Belkim uning boks sehnisige qaytip kélishi mumkin, emma biz shundaq bolushini rastinla ümid qilamduq? Maggrégor bilen bolghan jengde maywezirning chékingenlik alametlirini éniq körüwalghili bolidu, lékin meyli yéshigha kelsekmu (maywezir 41 kirey dédi, tarixtin buyan héchqandaq 40 yashtin ashqan bokschi 147 qadaq derijidin töwen chémpiyonluqni talishish musabiqiside yéngip baqmighan), uning xarablishishi reqibi teripidin bayqilidu. Belkim bu boks sahesi tarixidiki eng bay mushtlashchi yene birqétim do tikip béqishi mumkin…

 

Kéyinkisi
体育图片新闻