Bash bet>>Tenterbiye>>süretlik tenterbiye xewerliri

Yawropa chémpiyonluq birleshmisi: ajaks3:3 bayrén miyunxén

Tehrir:Bextiyar gheyret     Menbesi:Nur tori     Yollan'ghan waqit: 2018-12-13

béyjing waqti 12-ayning 13-küni, seher saet 4:00te, 2018/2019-yilliq musabiqe pesli, yawropa chémpiyonluq birleshmisining axirqi aylanmisidiki bir meydan guruppa musabiqisi kruyif maharet meydanida bashlandi, ajaks komandisi sahibxan meydanda bayrén miyunxén komandisi bilen musabiqige chüshti, aldinqi yérim meydan musabiqide, bayrén miyunxén hujum teshkillep, léwandowski bir top kirgüzüp, meydan tengpungluqini buzup tashlidi, aldinqi yérim meydan musabiqe bayrén myunxénning bir top üstünlükte turushi bilen axirlashti, kéyinki yérim meydan musabiqide ajékstin tadich bir top kirgüzüp, meydan netijisini tengleshtürüp, keynidin bir nuqta top kirgüzüp, ajaksni meydan netijiside üstünlükke érishtürdi, léwandowskimu nuqta toptin bir ni kirgüzüp, meydan netijisini tengleshtürdi, musabiqining axirqi minutlirida bayrén miyunxéndin koman bir top kirgüzgen bolsimu, emma sülé musabiqe tetür sanaq basquchigha qedem qoyghanda, "xain top"tin birni kirgüzüp, meydan netijisini tengleshtürdi, axirida ajaks sahibxan meydanda 3:3 netijide bayrén miyunxén bilen tengliship qaldi.

musabiqe bashlinipla méhman meydandiki bayrén miyunxén keyni-keynidin hujum teshkillidi, musabiqe bashlinip 13 minut bolghanda, bayrén miyunxén bir top kirgüzüp, meydan netijiside üstünlükni igellidi, bayrén miyunxén hujum teshkillep, gnabryning pas bérishi bilen léwandowski cheklengen rayon ichide topni qapqigha tépip kirgüzdi, meydan netijisi ajaks 1:0 bayrén miyunxén.

aldinqi yérim meydan musabiqe bayrén miyunxénning bir top üstünlükte turushi bilen axirlashti, kéyinki yérim meydanda hujum süritini tézletken ajaks, 61 minut bolghanda bir top kirgüzüp, meydan netijisini tengleshtürdi, ajaks hujum teshkillep, wandébékning ong tereptin pas bérishi bilen, tadich qapqa aldida topni quruq qapqigha tépip kirgüzdi, meydan netijisi ajaks 1:1 bayrén miyunxén.

81 minut bolghanda, ajaks komandisi yene bir top kirgüzüp, meydan netijiside üstünlükni qolgha keltürdi, ajaks hujum teshkillep, bayrén miyunxén béki boaténg cheklengen rayon ichide qaidige xilapliq qilghach, ripér nuqta topqa höküm qildi, tadich nuqta topni tépip kirgüzdi, meydan netijisi ajaks 1:2 bayrén miyunxén.

86 minut bolghanda, bayrén miyunxén bir top kirgüzüp, meydan netijisini tengleshtürdi, bayrén miyunxén hujum qozghap, tyago cheklengen rayon ichide qarshi terep mudapiechisi teripidin yiqitiwétildi, ripér nuqta topqa höküm qildi, léwandowski nuqta topni tépip kirgüzdi, meydan netijisi ajaks 2:2 bayrén miyunxén.

90 minut bolghanda, bayrén miyunxén bir top kirgüzüp, meydan netijiside qaytidin üstünlükni qolgha keltürdi, bayrén miyunxén hujum teshkillep, tyago cheklengen rayon sirtida ong tereptin topni komangha pas yetküzdi, koman cheklengen rayon ichide topni qapqigha tépip kirgüzdi, meydan netijisi ajaks 3:2 bayrén miyunxén.

musabiqe tetür sanaq basquchigha qedem qoyghanda, ajaks bir top kirgüzüp, meydan netijisini tengleshtürdi, ajaks hujum teshkillep, xuntélarning cheklengen rayon ichide ong tereptin yetküzgen pas topini, bayrén miyunxéndin sülé ihtiyatsizliqtin öz qapqisigha tosup kirgüzdi, meydan netijisi ajaks 3:3 bayrén miyunxén.

ripérning püshtiki chélinish bilen musabiqe axirlashti, axirida ajaks sahibxan meydanda 3:3 netijide bayrén miyunxén bilen tengliship qaldi. Bayrén miyunxén guruppidin birinchi bolup, shallash basquchigha qedem qoydi, ajaks ikkinchi bolup, oxshashla 16 küchlük qataridin orun aldi.

Aldinqisi
Kéyinkisi
体育图片新闻