Bash bet>>Tenterbiye>>süretlik tenterbiye xewerliri

Yawropa chémpiyonluq birleshmisi: plzén ghelbe 1:2 rim

Tehrir:Bextiyar gheyret     Menbesi:Nur tori     Yollan'ghan waqit: 2018-12-13

béyjing waqti 12-ayning 13-küni, seher saet 1:55te, 2018/2019-yilliq musabiqe pesli, yawropa chémpiyonluq birleshmisining axirqi aylanmisidiki bir meydan guruppa musabiqisi stolunkow sadé top meydanida bashlandi, plzén ghelbe komandisi sahibxan meydanda rim komandisi bilen musabiqige chüshti, aldinqi yérim meydan musabiqide, muddettin burun guruppidin ikkinchi bolup chiqish wezipisini tamamlap bolghan rim komandisi, meydanda nahayiti erkin top oynidi, gerche top kontrol qilish jehette üstünlükke ige bolsimu, emma qarshi terep qapqisigha xeterlik toplarni tépelmidi, eksiche sahibxan meydandiki plzén ghelbe komandisi xeterlik hujumlarni teshkillidi, aldinqi yérim meydan musabiqide her ikki komanda top kirgüzelmey, meydan netijisi 0:0 bolup axirlashti, kéyinki yérim meydan musabiqide plzén ghelbe komandisidin kowarik bir top kirgüzüp, meydan netijiside üstünlükni qolgha keltürdi, rim komandisidin ündér bir top kirgüzüp, netijini tengleshtürdi, plzén ghelbe komandisidin tomas chory bir top kirgüzüp, qaytidin üstünlükni qolgha keltürdi, kéyinki minutlarda meydan netijiside özgürüsh bolmay, plzén ghelbe komandisi sahibxan meydanda 1:2 netije bilen rim komandisini meghlup qildi.

musabiqe bashlinip her ikki komandida pütün küchi bilen tirkishidighan ehwallar körülmidi, her ikki komanda hujum hem mudapiede oxshashla temkin bolup, ziyade kücheydighan ehwallar yüz bermey, neq meydandiki mestanilerni zériktüridighan keypiyat shekillendi, aldinqi yérim meydan musabiqe mushundaq buruqtumluq ichide, 0:0 netijide axirlashti.

kéyinki yérim meydan musabiqe bashlinip, plzén ghelbe komandisi hujum süritini tézletti, musabiqe bashlinip 62 minut bolghanda plzén ghelbe bir top kirgüzüp, meydan netijiside üstünlükni qolgha keltürdi, plzén ghelbe komandisi hujum qozghap, kowarik qapqa aldida sepdishi yetküzgen pas topni qapqigha tépip kirgüzdi, meydan netijisi plzén ghelbe 0:1 rim.

67 minut bolghanda, rim komandisi bir top kirgüzüp, meydan netijisini tengleshtürdi, rim komandisi hujum teshkillep, santonning ong tereptin pas bérishi bilen, ündér cheklengen rayon ichide topni toxtatmayla qapqigha tépip kirgüzdi, meydan netijisi plzén ghelbe 1:1 rim.

71 minut bolghanda, sahibxan meydandiki plzén ghelbe komandisi yene bir top kirgüzüp, meydan netijiside qaytidin üstünlükni qolgha keltürdi, plzén ghelbe komandisi hujum teshkillep, kowarikning qapqigha tepken topini qapqichi tosqan bolsimu, tomas chory qaytqan topni kalla bilen üssüp qapqigha kirgüzdi, meydan netijisi plzén ghelbe 1:2 rim.

kéyinki minutlarda her ikki komanda küchigen bolsimu meydan netijiside özgürüsh bolmay, plzén ghelbe komandisi sahibxan meydanda 1:2 netije bilen rim komandisini meghlup qilip, "ittipaq longqisi" shallash musabiqisige qedem qoyush pursitini moskwa merkiziy quruqluq armiyisi komandisidin tartiwaldi.

Kéyinkisi
体育图片新闻