Bash bet>>Tenterbiye>>süretlik tenterbiye xewerliri

Italiye birleshmisi 16-aylanma: AC milan VS bologna musabiqisige nezer

Tehrir:Bextiyar gheyret     Menbesi:Nur tori     Yollan'ghan waqit: 2018-12-18

béyjing waqti 12-ayning 19-küni seher saet 3:30da, 2018/2019-yilliq musabiqe pesli italiye A derijilikler birleshmisining 16-aylanmisidiki bir meydan musabiqe dallara top meydanida ötküzülidu, bologna komandisi sahibxan meydanda AC milan komandisi bilen musabiqige chüshidu, bu ikki komandining yéqindin buyanqi ipadisi dégendek yaxshi emes bolup, ikki trénér gattuso bilen inzagi qatmuqat qiyinchiliq ichide turmaqta, bu meydan musabiqide, milanning kona buraderliri uchrishidighan bolup, gerche kona buraderlerning uchrishishi qutluqlashqa tégishlik ish hésaplansimu, emma musabiqe meydanigha kelgende, wezipisidin qaldurulush xewpige duch kéliwatqan bu ikki trénérning zadi qaysisi ihtiyajliq boluwatqan üch nomurni qolgha keltürüsh bilen birge komandining jenggiwarliqini östürüp, reqibige ejellik zerbe béreleydu?Yuqarqilar bu meydan musabiqidiki eng chong yarqin nuqta hésaplinidu.

musabiqe xaraktéri: 2018/2019-yilliq musabiqe pesli italiye A derijilikler birleshmisining 16-aylanma musabiqisi

musabiqe waqti: 12-ayning 19-küni seher saet 3:30

musabiqe orni: dallara top meydani

körüsh nuqtisi 1: gattuso bilen inzagigha munasiwetlik ishlar

nurghun milan top mestanilirining hemmisige melumluq, eyni waqitta putbolchiliq kespiy hayatida gattuso bilen inzagi, AC milan komandisining yuqiri pellisige shahit bolup, "qizil qara qoshun"gha hemra bolup, untulghusiz shanliq yillarni bésip ötken, bu xil inqilabiy héssiyat muqerrer halda ikki ademning qelbide chongqur yiltiz tartqan. Biraq hazir italiye birleshmiside ular ayrim-ayrim halda ikki komandigha yétekchilik qilip, özining xizmet ornida özige yarisha qiyinchiliqqa duch kélishti, nöwette bologna komandisigha trénérliq qiliwatqan inzagi, 15 aylanma italiye birleshmiside, ikki meydan ghelbe qilish, besh meydan tenglishish we sekkiz meydan meghlup bolushtek netije bilen 11 jughlanma nomurgha ériship, birleshme ret tertipide 18-orunda turmaqta, yéqinqi yette meydan birleshme musabiqiside, töt meydan tengliship, üch meydan meghlup bolushtek netijige érishti, köpinche taratqular inzagining wezipisidin qaldurulush xewpining chong ikenlikini xewer qilishqan, nawada bu meydan musabiqide bologna komandisi utturup qoysa, inzagining bolognadiki waqtimu tetür sanaq basquchigha duch kélidu.

aldinqi hepte ariliqidiki ittipaq longqisi musabiqiside, "qizil qara qoshun" mémhan meydanda olimpiyakos komandisigha utturup qoyup, sap top jehettiki sélishturushta reqibige utturup, shallash basquchigha qedem qoyalmidi, buning gattusogha bolghan bésimimu nahayiti chong boldi, nöwette gattuso kona buradiri inzagi yétekligen bologna komandisi bilen oynaydighan musabiqide ghelbe qilalmisa, birleshme ret tertipidiki tötinchilik orninimu tartquzup qoyidu, undaq bolghanda gattusoning trénérlik ornimu éniqla xewpke uchraydu.

körüsh nuqtisi 2: milan mahiri özini ispatlimaqchi, higuayin top kirgüzelmeslikke xatime bérishni közleydu

hepte ariliqidiki musabiqide susoning meydangha chüshelmesliki, meghlubiyetke uchrashtiki muhim seweplerning biri, hujum sépidiki yadroluq mahirning bolmasliqi, hujumchilarning ipadisigimu biwaste tesir körsetti, higuayinmu 10-ayning 28-künidin buyan qatnashqan alte meydan musabiqide top kirgüzüp baqmidi, higuayin italiye birleshmisige qoshulghandin kéyin, bologna komandisi bilen oynighan yette meydan musabiqide, alte top kirgüzüp, bir yardem pas chiqarghan, bu meydan musabiqide higuayin qaytidin top kirgüzüsh halitige qaytalamdu? Uningdin bashqa chalxanoghlu we kutroni qatarliq aldinqi meydan musabiqide ipadisi yaxshi bolmighan mahirlar bu meydan musabiqide özini körsitelemdu?

körüsh nuqtisi 3: romagnoli bilen musachio tizimlikke qaytip keldi, milanning mudapiesi bir qeder muqimlashti

buningdin burun köpligen italiye taratquliri xewer qilip, milan komandisining kapitani romagnoli bilen mudapie sépidiki gholluq bék musachioning yarisi saqayghanliqini hemde bologna komandisi bilen oynaydighan musabiqige birlash waqitta meydangha chüsheleydighanliqini bildürgen, dégendek bu ikki mahir komandining bu meydan musabiqige qatnishidighan ezalar tizimlikige tallandi, emma yarisi yéngila saqayghan bu ikkiylen yene birla waqitta asasliq ezalar qatarida meydangha chüshüp, komandining mudapie sépidiki mesilini hel qilalamdu?

Aldinqisi
Kéyinkisi
体育图片新闻