Bash bet>>Tenterbiye>>süretlik tenterbiye xewerliri

"qosh shah" kéler yili altun top mukapatigha érishelemdu?

Tehrir:Bextiyar gheyret     Menbesi:Nur tori     Yollan'ghan waqit: 2018-12-18

xanliq madrid ottura meydan topchisi modrich bu yilliq altun top mukapatigha érishti, shundaqla kiristiyano ronaldo bilen méssining 10 yildin buyanqi monopolliqini buzup tashlidi. Shuning bilen bir waaqitta, "qosh shah" bu yil dunya putbol ependisi, yawropa putbolchilar birleshmisining yilliq eng munewwer topchisi qatarliq mukapatlarghimu érishelmigen bolup, lékin ular buningliq bilenla shexsiy mukapatlargha bolghan intilishidin waz kechmeydu. Kiristiyano ronaldo bilen méssi hazirghiche oxshashla besh qétim altun top mukapatigha érishti, ularning arisidiki tengpungluq buzulamdu?

modrichning bu yilliq "partlishi" kiristiyano ronaldo bilen méssining hökümranliqini axirlashturdi, ular ötken 10 yil mabeynide altun top mukapatini bölüshüwalghan, kakadin kéyin héchqandaq topchi bu ikkeylenning arisigha kirelmigen, mana bügünki kündiki modrich axiri "shah"liq ornida olturdi.

lékin, modrich kirsitiyano ronaldo bilen méssining shahliq ornini talishidighan birdinbir riqabetchi emes, girézman, mibappé qatarliqlarmu bu jehette tirishmaqta, gerche ular mukapatqa érishelmigen bolsimu, lékin yenila bu muhim mukapatlargha bolghan intilishini körsitip qoydi.

madrid atlétka hujumchisi girézman altun top mukapati murasimidin kéyin: "yawropa chémpiyonluq birleshmisining chémpiyonluqi dunya longqisining chémpiyonluqidinmu qimmetlikken", dégen bolup, u modrichning netijisini étirap qilishqa mejbur bolghan. Girézman yawropa ittipaq longqisi we dunya longqisining chémpiyonluqigha érishti, uning dunya longqisi hel qilghuch musabiqiside meghlup qilghini del modrich bashchiliqidiki krodiye komandisi, lékin modrich yawropa chémpiyonluq birleshmisi chémpiyonluqigha érishken, shunga altun top mukapati qatarliq birqanche chong mukapatlar modrichqa tewe boldi.

bu nuqtidin éytqanda, kiristiyano ronaldo bilen méssi altinchi qétimliq altun top mukapatigha érishmekchi bolsa choqum yawropa chémpiyonluqida chémpiyon bolushi kéreklikini bilidu. Kiristiyano ronaldo yuwéntusqa barghandin kéyinmu özini boshashturmidi, belki 21 meydan musabiqide 12 top kirgüzüp yette yardemchi pas chiqardi, méssimu 19 meydan musabiqide 20 top kirgüzüp 12 yardemchi pas chiqardi.

méssi bilen kiristiyano ronaldo komandisini bashlap yawropa chémpiyonluq birleshmisi chémpiyonluqigha érishelisila kéler yilliq altun top mukapatigha érishishte üstünlükke érishidu.

mibappé bilen néymar parizh sant gérmanni bashlap yawropa chémpiyonluq birleshmiside netijige érishmekchi boluwatqanda, girézmanning madrid atlétka bilen birge yawropa chémpiyonluq birleshmisi arzusigha yétishi teske chüshmekte, lékin bu üch topchi yenila méssi bilen kiristiyano ronaldoning asasliq riqabetchiliri hésablinidu. Ular putbol dunyasidiki shahliq izbasar ornini talishish bilen birge, kiristiyano ronaldo bilen méssining altinchi qétimliq altun top mukapatigha érishish pilanini yoqqa chiqirishi kérek, shundaq qilghandila "qosh shah"ning tengpungliqi buzulmaydu. Modrichning yene bir qétim altun top mukapatigha érishishi intayin tes, chünki kéler yili dunya longqisi yaki yawropa longqisidek chong musabiqiler yoq, uning bu musabiqe peslidiki ipadisimu anche yaxshi emes, eger u qaltis ipadisini namayen qilip yawropa chémpiyonluq birleshmiside netijige érishse yene bir qétim riqabetlishish pursitige érishishi mumkin.

Kéyinkisi
体育图片新闻