Bash bet>>Tenterbiye>>süretlik tenterbiye xewerliri

Gérmaniye birleshmisi 16-aylanma: bayrén miyunxén vs léypzig musabiqisige nezer

Tehrir:Bextiyar gheyret     Menbesi:Nur tori     Yollan'ghan waqit: 2018-12-19

béyjing waqti 12-ayning 20-küni seher saet 3:30da ötküzülidighan 2018/21019-yilliq musabiqe pesli gérmaniye a derijilikler birleshmisining 16-aylanma musabiqiside bayrén miyunxén sahibxan meydanda léypzig qizil kala bilen musabiqilishidu. Bu gérmaniye birleshmisidiki aldinqi qatarda turidighan komandilarning musabiqisi, gerche bayrén miyunxénning bu musabiqe peslidiki ipadisi yaxshi bolmisimu, lékin ular yenila birleshmide üchinchi orunda turmaqta, ularning bu musabiqidiki reqibi léypzig qizil kala bolsa birleshmide tötinchi orunda turuwatqan komanda, shunga ikki komandigha nisbeten bu musabiqide nomurgha érishish oxshashla intayin muhim. Bayrén miyunxén yawropa chémpiyonluq birleshmisining 1/8 hel qilghuch musabiqiside liwérpol bilen musabiqilishidighan bolup, shunga ular liwérpol bilen oynilidighan musabiqe yétip kelgüche komandini yaxshi haletke kirgüzüshi kérek, bolmisa bu musabiqe peslidiki yawropa chémpiyonluq birleshmiside sekkiz küchlükke kirelmey qalidu.

musabiqe xarektéri: 2018/21019-yilliq musabiqe pesli gérmaniye a derijilikler birleshmisi 16-aylanma

musabiqe waqti: béyjing waqti 12-ayning 20-küni seher saet 3:30

musabiqe orni: miyunxén alliyanz top meydani

bu musabiqidiki körüsh nuqtiliri:

1. Bayrén miyunxénning ipadisi yaxshilanmaqta

bayrén miyunxén aldinqi aylanmidiki birleshme musabiqiside 0:4 netije bilen hannowér 96ni meghlup qildi hemde birleshmide uda üch qétim ghelibe qildi. Bayrén miyunxén bu musabiqe peslidiki gérmaniye birleshmiside toqquz qétim utup üch qétim tengleshken hemde üch qétim utturghan bolup, birleshmide üchinchi orunda turghan, shundaqla birinchi orundiki dortmond bilen bolghan perqi toqquz nomur. Bayrén miyunxéngha nisbeten dortmondqa yétishiwélish pursiti bar, lékin ularning bu musabiqidiki reqibi ularning arqisidila turuwatqan léypzig qizil kala. Bayrén miyunxénning bu musabiqidiki nishani peqetla ghelibe qilish bolup, ular uda töt meydan birleshme musabiqiside ghelibe qilish arqiliq dortmondqa yétishish nishanini emelge ashurmaqchi boluwatidu, mestanilermu bayrén miyunxéning birleshmide aldinqi orungha qaytishigha teqezza bolmaqta.

2. Léypzig qizil kala méhman meydanda nomurgha érishelemdu?

léypzig qizil kala aldinqi aylanmidiki birleshme musabiqiside 1:4 netije bilen maynzni meghlup qildi hemde bu musabiqidiki gérmaniye birleshmiside sekkiz qétim utup töt qétim tengliship, shundaqla üch qétim utturup tötinchi orunda turmaqta, shundaqla bayrén miyunxéndin ikki nomurla perqlinip turmaqta. Léypzig qizil kalining bu musabiqidiki sahibxan meydan musabiqisi intayin qaltis bolup, lékin méhman meydan musabiqiliridiki ipadisi anche yaxshi emes, bu musabiqe peslidiki méhman meydan musabiqiliride peqet ikki qétimla ghelibe qilghan, shunga ularning bayrén miyunxén bilen oynaydighan méhman meydan musabiqide nomur élishi yenila qiyin ishlarning biri hésablinidu. Gerche léypzig qizil kalining ipadisi qaltis boluwatqan bayrén miyunxénni meghlup qilishi tes bolsimu, lékin ularning ipadisi yenila mestanilerning diqqitini tartmaqta.

Kéyinkisi
体育图片新闻