Bash bet>>Tenterbiye>>süretlik tenterbiye xewerliri

Gérmaniye birleshmisi 16-aylanma: bayrén miyunxén 0:1 léypzig qizil kala

Tehrir:Bextiyar gheyret     Menbesi:Nur tori     Yollan'ghan waqit: 2018-12-20

béyjing waqti 12-ayning 20-küni seher saet 3:30da, 2018/2019-yilliq musabiqe pesli gérmaniye A derijilikler birleshmisining 16-aylanmisidiki bir meydan küchlükler uchrishishi miyunxén alliyanz top meydanida bashlandi, bayrén miyunxén sahibxan meydanda léypzig qizil kala komandisi bilen musabiqige chüshti, aldinqi yérim meydan musabiqide sahibxan ewzellikige ige bolghan bayrén miyunxén, meydan weziyitide aktip haletke ötti, léwandowskining yekmuyek sharaitta qapqigha tepken topi, qapqa tömürige tégip meydan sirtigha chiqip ketti, léypzig qizil kala komandisidin upamékano üsken kalla topmu oxshashla qapqa tömürige tegdi, aldinqi yérim meydan musabiqide, her ikki komanda top kirgüzelmey, meydan netijisi 0:0 bolup axirlashti. Kéyinki yérim meydan musabiqide, kimmichning yéqin ariliqtin tepken topini qapqichi tosup chiqiriwetti, musabiqe bashlinip 83 minut bolghanda, bayrén miyunxén komandisidin ribéry bir top kirgüzüp meydan tengpungluqini buzup tashlidi, kéyinki minutlarda meydan netijiside héchqandaq özgürüsh bolmidi, axirida bayrén miyunxén komandisi sahibxan meydanda 0:1 netije bilen léypzig qizil kala komandisini meghlup qildi.

musabiqe bashlinipla her ikki komanda bir-biridin qélishmay, öz-ara hujum teshkillidi, bayrén miyunxén hujumchisi léwandowskining yekmuyek sharaitta qapqigha tepken topini qapqichi tosqandin kéyin, qapqa tömürige tégip, qapqa siziqini boylap sirtqa chiqip ketti, léypzig qizil kala komandisi bulung top pursiti arqiliq hujum teshkillep, upamékanoning üsken kalla topi qapqa tömürige tégip, keynige qangqidi, aldinqi yérim meydan musabiqide, her ikki komanda top kirgüzelmey, meydan netijisi 0:0 bolup axirlashti.

kéyinki yérim meydan musabiqe bashlinip, bayrén miyunxén komandisining hujum süriti körünerlik ashti, keyni-keynidin qilinghan hujumlar léypzig qizil kala komandisining mudapie sépini halsiratti, qapqichi gulaksi özining qaltis ipadisi bilen xeterlik toplarni tosuwaldi, kimmichning yéqin ariliqtin qapqigha üsken kalla topinimu gulaksi chaqqanliq bilen tosupchiqiriwetti, musabiqe bashlinip 83 minut bolghanda, bayrén miyunxén komandisi bir top kirgüzüp, meydan netijiside üstünlükni igellidi, bayrén miyunxén hujum teshkillep, rénato sanchésning qapqigha tepken topini qapqichi tosti, ribéry cheklengen rayon ichide, qaytqan topni qapqigha tépip kirgüzdi, meydan netijisi bayrén miyunxén 0:1 léypzig qizil kala.

kéyinki minutlarda her ikki komanda qattiq tirishqan bolsimu, meydan netijiside héchqandaq özgürüsh bolmidi, axirida bayrén miyunxén komandisi sahibxan meydanda 0:1 netije bilen léypzig qizil kala komandisini meghlup qilip, birleshmide uda töt meydan ghelbe qilishtek netijini qolgha keltürdi, birleshme ret tertipide serkilik orunda turuwatqan dortmund bilen bolghan perqimu alte nomurgha töwenlidi.

Aldinqisi
Kéyinkisi
体育图片新闻