Bash bet>>Tenterbiye>>süretlik tenterbiye xewerliri

Ronaldo: rimning topchiliri ilgiri toxtap qélishimni ötüngen

Tehrir:Bextiyar gheyret     Menbesi:Nur tori     Yollan'ghan waqit: 2018-12-20

yuwéntus hepte axiridiki birleshme musabiqiside rimni kütüwalidu. Yuwéntustiki dangliq hujumchi kiristiyano ronaldo hazirghiche rim bilen alte qétim musabiqileshken bolup, buning ichide besh qétim ghelibe qilghan, kishige eng chong tesir qaldurghini manchéstér birleshmisidiki waqtida yawropa chémpiyonluq birleshmiside 1:7 netije bilen rimni meghlup qilghanliqi bolup, bu musabiqide kiristiyano ronaldoning ipadisi intayin qaltis bolghan.

kiristiyano ronaldo yéqinda rim bilen oynilidighan musabiqe üstide toxtilip eyni waqittiki ehwallarni eslep ötken: "eyni waqitta netije 0:6 bolup bolghan, bezi topchilar mendin toxtap qélishni ötüngen, yene bezi topchilar emdi top élip mangmasliqimni ötüngen, beziler méni tügeshtürüwétidighanliqini éytqan. Rim? Men ular bilen musabiqe kiyimi almashturmaymen."

bu musabiqe 2006/2007-yilliq musabiqe peslidiki yawropa chémpiyonluq birleshmisining 1/4 hel qilghuch musabiqiside oynalghan bolup, eyni waqitta rim tunji uchrishishta 1:2 netije bilen manchéstér birleshmisini meghlup qilghan, lékin manchéstér birleshmisi öz meydanigha qaytqanda 1:7 netije bilen ghelibe qilghan bolup, kirisitiyano ronaldo ikki top kirgüzgen.

Aldinqisi
Kéyinkisi
体育图片新闻