Bash bet>>Tenterbiye>>süretlik tenterbiye xewerliri

Éngland birleshmisi 18-aylanma: böre komandisi VS liwérpol musabiqisige nezer

Tehrir:Bextiyar gheyret     Menbesi:Nur tori     Yollan'ghan waqit: 2018-12-21

béyjing waqti 12-ayning 22-küni seher saet 4:00te, 2018/2019-yilliq musabiqe pesli éngland aliy birleshmisining 18-aylanmisidiki bir meydan musabiqe molinikés top meydanida ötküzülidu, birleshme ret tertipide yettinchi orunda turuwatqan böre komandisi sahibxan meydanda ret tertipte birinchi orunda turuwatqan liwérpol komandisi bilen musabiqige chüshidu, birleshmide ipadisi qaltis boluwatqan liwérpol méhman meydanda, bu musabiqe pesli birleshmining "qara tulpari" dep teripliniwatqan böre komandisi bilen musabiqige chüshidu, 2000-yilidin kéyin, bu ikki komanda jemiy sekkiz qétim musabiqileshken bolup, böre komandisi bir meydan ghelbe qilip, ikki meydan tengliship, besh meydan meghlup bolghan, buning ichide sahibxan meydanda ikki meydan tengliship, ikki meydan meghlup bolghan, nöwette birleshmide uda ghelbe qilish halitide turuwatqan bu ikki komandining musabiqisi mestanilerge zadi qandaq hozurlarni élip kélidu?

musabiqe xaraktéri: 2018/2019-yilliq musabiqe pesli éngland aliy birleshmisining 18-aylanma musabiqisi

musabiqe waqti: 12-ayning 22-küni seher saet 4:00

musabiqe orni: molinikés top meydani

körüsh nuqtisi 1: "qizil qoshun" birleshmidiki serkilik ornini dawamliq saqliyalamdu?

aldinqi aylanma musabiqide, liwérpol sahibxan meydanda 1:3 netije bilen manchéstér birleshmisini meghlup qilip, birleshme ret tertipidiki serkilik ornini saqlap qaldi, u meydan musabiqide, shachiri bilen fabinhoning ipadisi qaltis boldi, komanda trénér klop bu meydan musabiqide u ikki mahirni asasliq ezalar qatarigha kirgüzemdu? Bumu mestanilerning diqqitini tartidu, bu musabiqe pesli birleshmining chémpiyonluq jéngi intayin keskin bolup, manchéstér shehiri peqet bir meydanla meghlup bolghini üchünla ret tertiptiki serkilik orunni bashqilargha tartquzup qoydi, emma serkilik orunda turuwatqan liwérpolmu, manchéstér shehiridin aran bir nomur üstün turidu, shunchilik kichik nomur perqide turuwatqan mushundaq waqitta, liwérpol bu meydan musabiqige hergizmu sel qarimaydu.

körüsh nuqtisi 2: böre komandisi küchlüklerge bozek bolmaydighan halitini dawamlashturalamdu?

bu yil yéngidin derije örlep chiqqan komanda bolush süpiti bilen, böre komandisi hazirghiche birleshme ret tertipide yettinchi orunda turmaqta, altinchi orunda turuwatqan manchéstér komandisidin aran bir nomur töwen orunda turmaqta, nöwettiki weziyettin qarighanda, bu musabiqe pesli böre komandisining nishani hergizmu derije saqlash emes, belki yawropa sehnisige qedem bésish ularning heqiqiy nishani hésaplinidu, böre komandisining bunchilik yuqiri netijige érishishi hergizmu, ret tertipte özidin töwen orunda turuwatqan komandilarni meghlup qilish arqiliq qolgha kelgen bolmastin belki del uning eksiche bolghan, birleshme ret tertipide aldinqi alte orunda turuwatqan komandilar bilen bolghan riqabette, ular sahibxan meydanda peqet totténhamghila utturup qoyghan, nöwette birleshmide uda üch meydan ghelbe qilishtek halette turuwatqan böre komandisining ipadisi alahide yaxshi bolup, bu meydan musabiqide sahibxan ewzellikidin paydilinip, liwérpolni meghlup qilishmu, mümkin bolmaydighan ish emes.

Aldinqisi
Kéyinkisi
体育图片新闻