Bash bet>>Tenterbiye>>süretlik tenterbiye xewerliri

Gérmaniye birleshmisi 17-aylanma: monshédgladbax VS dortmund musabiqisige nezer

Tehrir:Bextiyar gheyret     Menbesi:Nur tori     Yollan'ghan waqit: 2018-12-21

béyjing waqti 12-ayning 22-küni seher saet 3:30da, 2018/2019-yilliq musabiqe pesli gérmaniye A derijilikler birleshmisining 17-aylanmisi bir meydan küchlükler uchrishishi iduna signal baghchisi top meydanida ötküzülidu, birleshme ret tertipide serkilik orunda turuwatqan dortmund sahibxan meydanda ret tertipte ikkinchi orunda turuwatqan monshédgladbax komandisi bilen musabiqige chüshidu, gérmaniye birleshmisidiki eneniwi küchlük komandilar sanilidighan bu kona reqibler yene bir meydan keskin musabiqini mestanilerge "sowgha" qilmaqchi, bu ikki komandining yéqinqi uchrishishlirida dortmund mutleq üstünlükni igelligen bolup, hetta chong nomur perqide ghelbe qilish nisbiti yuqiri bolghan, uningdin bashqa bu meydan musabiqide yene köpligen yarqin nuqtilar bar bolup, monshédgladbax komandisi bolsa, dortmund komanda kapitani royés we shundaqla komanda trénéri fawrélarning kona ailisi bolup, bu meydan musabiqide ular özlirining kona komandisi bilen riqabetke chüshidu.

musabiqe xaraktéri: 2018/2019-yilliq musabiqe pesli gérmaniye A derijilikler birleshmisining 17-aylanma musabiqisi

musabiqe waqti: 12-ayning 22-küni seher saet 3:30

musabiqe orni: iduna signal baghchisi top meydani

körüsh nuqtisi 1: dortmundqa yenila chong bésimgha duch kélidu

aldinqi aylanma gérmaniye birleshmiside, dortmund méhman meydanda dusséldorf komandisigha 2:1 netijide utturup, birleshme bashlanghandin buyanqi tunji meghlubiyetning "temini" tétidi, birleshmide uda 15 aylanma meghlup bolmasliq halitige xatime bérildi, gerche birleshme ret tertipide 39 jughlanma nomur bilen mutleq üstünlükte serkilik orunda turuwatqan bolsimu, keynidiki monshédgladbax bilen bayrén miyunxén komandiliridin alte nomur yuqiri orunda turmaqta, emma birleshme téxi emdi yérimlashqan bolghachqa, dortmund herqandaq ishqa hergizmu sel qarimasliqi kérek, yéqinda bayrén miyunxén birleshmide uda töt meydan ghelbini qolgha keltürdi, birleshme "zomégiri" hésaplinidighan bayrén miyunxén özlirining burunqi ipadisige qaytishqa bashlidi, nawada dortmund bu meydan musabiqide nomur ketküzüp qoysa, undaqta "sériq here qoshuni" téximu zor bésimgha duch kélishi mumkin.

körüsh nuqtisi 2: monshédgladbaxning méhman meydandiki netijisi yaxshi emes, fawré bilen royés kona ailisi bilen riqabetke chüshidu

monshédgladbax gerche gérmaniye birleshmisining 16 aylanma musabiqiside 33 jughlanma nomurgha érishken bolsimu, emma ularning sahibxan meydandiki netijisi bilen méhman meydandiki netijisi asman-zimin perqlinidu, monshédgladbax sekkiz aylanma sahibxan meydandiki musabiqide toluq ghelbini qolgha keltürdi, ular sahibxan meydanda pesil halqighan 10 meydan uda ghelbe qilishtek netijige érishti, peqet yene bir meydan ghelbe qilsila, özlirining 1983/1984-yilliq musabiqe pesli yaratqan, birleshmidiki sahibxan meydanda uda 11 meydan ghelbe qilish rékorti bilen tenglishidu, emma méhman meydandiki netijisi bolsa, aran ikki meydan ghelbe qilip, üch meydan tenglishish bilen birge üch meydan meghlup bolushtek netijige érishti, méhman meydandiki ipadisi turaqsiz boluwatqan monshédgladbax komandisi, küchlük reqibi dortmund komandisi bilen bolghan riqabette méhman meydandiki ghelbe qilalmasliq halitige xatime bérelemdu? Yene bir jehettin dortmund komandisining trénéri fawré bilen komanda yadrosi royés, del monshédgladbax komandisida nam chiqarghan bolup, bu meydan musabiqide ular özlirining kona ailisi bilen riqabetke chüshidu.

Kéyinkisi
体育图片新闻