Bash bet>>Tenterbiye>>süretlik tenterbiye xewerliri

Shinjangliq üch putbolchi junggo derijidin tashqiri putbol birleshmisi chungching siwéy komandisigha tallandi

Tehrir:Méhrigül     Menbesi:Xelq tori     Yollan'ghan waqit: 2019-02-28
 
 
2-ayning 22-küni, junggo derijidin tashqiri putbol birleshmisi chungching siwéy komandisining organ torida, aldinqi musabiqe pesilide portugaliye b derijilikler birleshmisi gondomar komandisida top oynaydighan shinjangliq putbolchi érjit yérzatning resmiy türde komandigha qétilghanliqi élan qilindi. Buning aldida téxi yéngidin qétilghan dilmurat mollaniyaz we bextiyar peyzullani qoshqanda, chungching siwéy komandisi bu musabiqe pesilide shinjangliq üch topchini qétiwaldi.

  yéqinqi yillardin buyan, shinjang tengritagh yilpizi komandisi junggo a derijilikler birleshmiside uda musabiqe oynidi, shuning bilen téximu köp shinjangliq talantliq putbolchilar köpchilikning éside qaldi. Junggo putbolchilar birleshmisining yéqinqi ikki yildin buyanqi yash putbolchilarni yétishtürüsh yéngi siyasitining yolgha qoyulushigha egiship, téximu köp shinjangliq yash putbolchilar téximu yuqiri derijilik birleshmidiki komandilargha qétilidighan pursetke érishti.

  aldinqi pesildiki junggo a derijilikler birleshmiside, arqa meydan mahiri dilmurat asasen hemme meydanda toluq oynidi. Bu bashtiki alte meydan musabiqide zapas mahir salahiyitide meydangha chiqqan yash bék 7-aylanmidin bashlap, uda 24 meydan meydanning asasliq ezasi bolup oynidi. Musabiqe pesili axirlashqandin kéyin, yene junggo a derijilikler birleshmisidiki eng munewwer yéngi ezalar tizimlikige kirdi. U musabiqidiki yaxshi ipadisi bilen junggo 21 yashliqlar dölet olimpik komandisigha qétildi. Chungching wenju töt dölet bilen élip bérilghan musabiqining méksika bilen oynalghan musabiqide, dilmurat asasliq eza bolup meydangha chiqti. Dilmuratqa sélishturghanda, bexitiyarning paaliyet dairisi asasliqi ottura meydanda bolup, aldinqi musabiqe pesilide arqa bel ornida 23 meydan top oynidi. Musabiqe peslining otturigha kelgende, li jün teripidin hujumchi qilip özgertilgendin kéyin, u ikki top kirgüzdi.

  bu ikki yash mahirgha sélishturghanda, portugaliye üchinchi derijilikler birleshme musabiqiside besh yil top oynighan érjitning nami xéli burunla chiqqan idi. 2013-yili memliketlik tenheriket musabiqiside, shinjang komandisi bilen axirqi töt küchlük ichige kirip, komandining yaxshi netijisini yaratqandin kéyin, 2014-yili 1-ayning 29-küni, érjit resmiy halda portugaliye ghaliblar birleshmisidiki gondomar kulubigha qétilip, shinjang boyiche resmiy türde yawropadiki kulublargha qétilghan tunji topchi bolup qaldi. Yawropadiki musabiqilerde köp yilliq tawlinish netijiside, 26 yashliq érjit barghansiri piship yétildi. Bu qétim döletke qaytip top oynishida, u köpligen junggo derijidin tashqiri birleshmisidiki komandilarning teklipini tapshuruwaldi, axirida u chungching siwéy komandisini tallidi. "chungching siwéy komandisining bir ezasigha aylanghanliqimdin nahayiti xursenmen. Manga izchil yardem qilghan kishilerge rehmet éytimen, yéngi bashlinish nuqtisida, ishni yéngidin bashlap, dawamliq arzuyum üchün tirishimen!", érjit özining sina mikro bilogida shundaq dep yazdi.

  chungching siwéy komandisi junggo derijidin tashqiri birleshmisi ret tertipidiki ottura töwen orunda turidighan komanda bolup, aldinqi musabiqe pesilide, eng axirqi bir meydan musabiqide teliyige yarisha derijisi chüshürülüshtin saqlinip qaldi.
Kéyinkisi
体育图片新闻